IYU Qazaqstandaǵy referendým protsesin joǵary baǵalady

ASTANA. KAZINFORM – Islam yntymaqtastyǵy uıymy (IYU) Bas hatshylyǵy Azııa basqarmasynyń dırektory Imran Sadıhov referendým kezinde uıym atynan kelgen mıssııanyń qorytyndysyn jarııalady. 

— IYU Bas hatshylyǵy jańa Konstıtýtsııasy boıynsha referendýmda baıqaýshy retinde Qazaqstanǵa mıssııany baǵyttady. Referendýmnyń aldyn ala shyǵarylǵan nátıjesi el halqynyń belsendi qatysqanyn kórsetip otyr. Sonymen qatar, Bas hatshylyq referendýmnyń ashyq ári zań talaptaryna sáıkes ótýin joǵary baǵalaıdy, — dedi Imran Sadıhov elordada ótken baspasóz máslıhatynda.

Osy oraıda ol bul ulttyq mańyzdaǵy oqıǵanyń sátti ótýine baılanysty Qazaqstan halqyna IYU Bas hatshylyǵynyń quttyqtaýyn jetkizdi.

— Atap aıtqanda, Qazaqstan Islam yntymaqtastyǵy uıymynyń belsendi ári mańyzdy múshe sanalady. Bul rette, IYU Qazaqstandaǵy ornyqty damýdy ilgeriletýge qoldaý kórsetýge ázir, — dedi Imran Sadıhov.

Aıta keteıik, 15 naýryzda Qazaqstanda jańa Ata Zańnyń jobasy boıynsha jalpyulttyq referendým ótti. 

Bıyl 12 aqpanda Qazaqstan Respýblıkasynyń jańa Ata Zańynyń qorytyndy jobasy jarııalandy. 

Memleket basshysy 2026 jylǵy 15 naýryzda respýblıkalyq referendým ótkizý týraly Jarlyqqa qol qoıdy. 

Respýblıkalyq referendýmda berilgen bıýlletende «Jobasy buqaralyq aqparat quraldarynda 2026 jylǵy 12 aqpanda jarııalanǵan Qazaqstan Respýblıkasynyń jańa Konstıtýtsııasyn qabyldaısyz ba?» degen saýal qoıyldy.

16 naýryzda Ortalyq referendým komıssııasy daýys berýdiń aldyn ala nátıjelerin jarııalady.