Iis tıgen balalardyń ákesi jaýapqa tartyldy
ÓSKEMEN. QazAqparat - Shemonaıha aýdanynyń Kamyshınka aýylynda 13 jáne 16 jastaǵy balalar ıis tıip, aýrýhanaǵa túsken bolatyn. Úı ıesi jaýapqa tartyldy, dep habarlaıdy QazAqparat tilshisi.
Oblystyq tótenshe jaǵdaı departamentiniń habarlaýynsha, balalar bastary aýyryp, júregi aınyǵan soń dáriger shaqyrtqan.
Aq halattylar balardy ıis tııýi múmkin degen kúdikpen jansaqtaý bólimine jatqyzyp, tótenshe jaǵdaı qyzmetine habarlaıdy.
«Aýdandyq tótenshe jaǵdaı ókilderi úıdi muqııat zerttep, otaǵasy tútikti sońǵy ret ótken jyldyń kókteminde tazalaǵanyn anyqtady. Peshtiń moınyna ys tolyp, tútik tartpaıtyn jaǵdaıǵa jetken. Órt qaýipsizdigin saqtamaǵany úshin balalardyń ákesi ákimshilik jazaǵa tartyldy» - deıdi departament ókili Anastasııa Sklıar.
Qazir eki bala da jansaqtaý bóliminen palataǵa kóshirilgen. Taıaý kúnderi úıge oralady dep kútilýde.
Bıylǵy jylytý maýsymynda ShQO boıynsha 38 adamǵa ıis tıip, beseýi ajal qushqan.
