ІІM: Júrgizýshiler úshin baǵdarshamnyń «qyzyl» belgisinde ońǵa burylýǵa ruqsat berý máselesi zerttelýde
ASTANA. QazAqparat - Búgin Májilistiń jalpy otyrysynda depýtat Tursynbek Ómirzaqov júrgizýshiler úshin baǵdarshamnyń «qyzyl» belgisinde ońǵa burylýǵa ruqsat berý erejesiniń qajettiligi týraly másele kóterdi.
Eske salaıyq, jalpy otyrysta palata depýtattary «Jol júrisi týraly» QR zańyna ózgerister men tolyqtyrýlar engizý týraly» zań jobasyn birinshi oqylymda maquldanǵan bolatyn.
«Uly daǵdarys jyldarynda AQSh kólik júrgizýshilerine baǵdarshamda týra júrýge tyıym salatyn «qyzyl» janyp turǵan sátte ońǵa qaraı burylýǵa bolatyn erejeni bekitip berdi. Bul adamdar tıimdi bolǵan edi, óıtkeni benzındi de únemdeýge, ýaqytyn da únemdeýge septigin tıgizdi. Ekinshi jaǵyna, bul ereje qazirgi tańda keptelister kóp oryn alatyndyqtan, bizdiń kólikterimizdiń ótkizý qabiletin 5 jáne odan da joǵary paıyzǵa arttyratyny sózsiz. Jol júrý erejesiniń bul jańa normasyn engizýge Siz qalaı qaraısyz?», - dep surady depýtat Tursynbek Ómirzaqov Іshki ister mınıstrinen zań jobasyn talqylaý barysynda.
Óz kezeginde Qalmuhanbet Qasymov bul másele byltyr da zań jobasyn talqylaý barysynda kóterilgenin eske saldy. «Biz bul tájirıbeniń qoldanylýyn, tıimdiligin zertteý ústindemiz. ıAǵnı, baǵdarshamnyń «qyzyl» shamynda ońǵa burylysqa ruqsat berý júıesin áli qarastyramyz. Ony asyqpaı taldaımyz, negizdeımiz, sosyn aldaryńyzǵa kelýimiz de múmkin», - dedi mınıstr Q. Qasymov.
