ІІM «Joldaǵy qabyldaý» aktsııasynyń qorytyndysyn shyǵardy
NUR-SULTAN. QazAqparat – Ótken aptada elimizdiń aýmaǵynda ótkizilgen «Joldaǵy qabyldaý» aktsııasy barysynda polıtsııaǵa azamattardan 9,5 myń ótinish tústi. Bul jaıynda QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.
«Ótken aptanyń sońynda ІІM «Joldaǵy qabyldaý keń aýqymdy respýblıkalyq aktsııasyn ótkizdi. Elimizdiń qalalarynda jáne aýdan ortalyqtarynda polıtsııa departamentteriniń, ákimshilik polıtsııanyń jergilikti jáne kóshi-qon qyzmetteriniń basshylary aldyn alý jazylýsyz onlaın qabyldaý ótkizdi. Aktsııa barysynda «qaýyrt jeli», skaıp-konferentsııalar, áleýmettik jelilerdegi polıtsııa akkaýnttaryna, óńirlik BAQ-tardyń aqparattyq platformalaryna habarlama arqyly konsýltatsııalar uıymdastyryldy», - dedi ol Іshki ister mınıstrliginiń baspasóz qyzmeti alańynda ótken brıfıng barysynda.
Resmı ókildiń dereginshe, aktsııa barysynda azamattardan 9 595 ótinish túsip, onyń 9 575-i qanaǵattandyryldy. Al 20 ótinishke jaýap olar jan-jaqty qaralǵannan keıin beriledi.
«Suraqtar negizinen kólik quraldaryn tirkeýge, júrgizýshi kýáligin berýge, jol qozǵalysyn uıymdastyrýǵa, kólik quralyn qaıta jabdyqtaýǵa, aıyppul tóleýge qatysty boldy», - dedi Nurdildá Oraz.
