ІІM Jol polıtsııasy komıtetiniń tóraǵasy elimizdiń azamattaryna úndeý joldady

Atalmysh komıtettiń baspasóz qyzmeti taratqan málimetterge qaraǵanda, Qazaqstanda kún saıyn balalardyń qatysýymen kem degende 3 jol-kólik oqıǵasy tirkeledi. Al bir jyldyń ishinde jol-kólik oqıǵasynyń saldarynan 180-ge jýyq bala qaza tabady. Komıtet tóraǵasynyń úndeý joldaýyna respýblıka joldarynda qalyptasqan osy bir keleńsiz jaǵdaı negiz bolǵan.

Komıtet taratqan málimetterge qaraǵanda, jol polıtsııasynyń ókilderi jaǵdaıdy ońaltý úshin barlyq qajetti is-sharalardy júzege asrýda. Aıtalyq olar mektepter men mektepke deıingi balalar mekemelerde dáristerdi oqyp, jol qaýipsizdigi boıynsha ártúrli saıystar men suraq-jaýap oıyndaryn ótkizedi. Jol polıtsııasynyń bastamasy boıynsha ár mektepte qurylǵan jas qozǵalys ınspektorlar otrıady qurdastarynyń arasynda úlken nasıhat jumysyn júrgizedi.

«Qyrkúıek aıynda biz jyl saıyn «Nazar aýdaryńyz - balalar!» profılaktıkalyq aktsııasyn ótkizemiz. Oqý jylynyń aldynda jalpy bilim berý mektepterine jáne mektepke deıingi balalar mekemelerine jaqyn ornalasqan aýmaqtardy tekserý jumystary ótkiziledi. Balalardyń qozǵalýyna qaýipsiz jaǵdaılar jasalyp, tıisti jol belgileri, jaıaý júrginshilerdiń qorshaýlary, jasandy jol budyrlary jáne basqa jol qozǵalysyn retteıtin tehnıkalyq quraldar ornatylady. Alaıda, ózińiz biletindeı, tek qana jol polıtsııasynyń kúshimen balalar jol-kólik apattylyǵynyń problemasyn sheshý múmkin emes»,-delingen úndeýde.

Osyǵan qaraı tártip saqshylary ata-analarǵa balalaryn jolda júrý erejesin úıretip, olardyń tártibin qadaǵalaý qajettigin eskertedi. Sondaı-aq komıtet ókilderi júrgizýshilerge de qaıǵyly jaǵdaıǵa tap bolmas úshin jolda óte saq bolýdy eskertedi.