ІІM jazda sýǵa túskende abaı bolýǵa shaqyrady
NUR-SULTAN. QazAqparat - QR Іshki ister mınıstrliginiń habarlaýynsha, jyl basynan beri elimizde 81 adam sýǵa ketken. Onyń 23-i - bala, dep habarlaıdy QazAqparat tilshisi.
Іshki ister mınıstriniń orynbasary ıÝrıı Ilın ortalyq kommýnıkatsııalar qyzmetinde ótken baspasóz máslıhatynda osyndaı statıstıkany keltirdi.
«Ókinishke qaraı, jyl basynan beri 81 adamnyń, sonyń ishinde 23 balanyń ajaly sýdan boldy. Arasynda 24 adam balyq aýlaýdyń qaýipsizdik erejelerin saqtamaǵan. ıAǵnı, balyqshylar kóktem jáne qys aılarynda sý betine qutqarý quralynsyz shyqqan. Al onyń aqyry qaıǵyly jaǵdaıǵa ákelip soqtyrǵan. Shomylýǵa arnap jabdyqtalmaǵan orynda sýǵa túsemin dep qaza bolǵandar sany - 11, onyń altaýy - bala» - deıdi ıÝrıı Ilın.
Mınıstr orynbasarynyń aıtýynsha, ata-ananyń qaraýynsyz qalǵan 15 bala sýǵa qulap, mert bolǵan. Taǵy 2 adam ózgelerdi qutqarý kezinde ajal qushqan. Taǵy 27 adamnyń qalaı qaza tapqany áli anyqtalyp jatyr.
«Atalmysh sanattaǵy qaıǵyly oqıǵalardyń sebebi ártúrli. Birinde qylmystyń izi bolsa, birinde sıýtsıd jaǵdaıy bar. Sýdan kelgen ólimniń barlyǵy tirkelip otyrady. Ár jaǵdaı boıynsha tolyq tekserý júrgiziledi» - deıdi mınıstrlik ókili.
ıÝrıı Ilın bıyl jazda elimizde 12960 balalar lageri jumys isteıtinin aıtty.
«ІІM bólimsheleri atalmysh lagerlerdiń balalardy qabyldaý daıyndyǵyn tekserip jatyr. Eldegi 130 lager ornalasqan aýmaqtaǵy sý kózderin tazalaý jumystary bastaldy» - deıdi mınıstrdiń orynbasary.
