ІІM jasóspirimder arasyndaǵy qylmysqa qatysty derekterdi jarııalady
ASTANA. QazAqparat - Sońǵy 12 jylda respýblıkada jasóspirimder arasyndaǵy qylmystyń ortasha eseppen 6 paıyzǵa tómendeýi baıqalady. Bul týraly QR ІІM Ákimshilik polıtsııa komıteti ıývenaldyq polıtsııa bóliminiń bastyǵy Áset Ospanov aıtty, dep habarlaıdy QazAqparat tilshisi.
«Sońǵy 12 jylda respýblıkada jasóspirimder arasyndaǵy qylmystyń ortasha eseppen 6 paıyzǵa tómendeýi baıqalady. Eger 2006 jyly kámeletke tolmaǵandar shamamen 8 myń qylmys jasasa, ótken jyldyń qorytyndysynda jasóspirimder jasaǵan qylmys shamamen 3 myń boldy. Sonymen qatar adam óltirý, aýyr dene jaraqatyn salý, buzaqylyq jáne qaraqshylyq áreket jasaý syndy aýyr jáne asa aýyr qylmys túrleriniń tómendegendigin atap ótken jón», - dedi Á.Ospanov QR ІІM-niń Feısbýktegi resmı paraqshasynda jarııalanǵan vıdeoda.
Onyń aıtýynsha, jasóspirimder qylmysyn tómendetý jáne boldyrmaý úshin elimizdiń Іshk ister mınıstrligi múddeli memlekettik organdarmen naqty jumystar júrgizip jatyr. Máselen, 2010 jyldan bastap kóńil kóterý oryndarynda ata-anasynsyz nemese zańdy ókilsiz júrgen jasóspirimderdiń ata-analaryna jáne kóńil kóterý ornynyń menshik ıesine ákimshilik jaýapkershilik engizilgen.
«Jyl saıyn ishki ister organdaryna túrli quqyq buzýshylyq jasaǵany úshin shamamen 100 myń jasóspirim jetkizilse, sonyń 50 myńy turǵyn úıge arnalmaǵan oryn jaıda bolǵany úshin jaýapqa tartylady. Sonymen qatar bizde 21 jasqa tolmaǵan tulǵalarǵa keshki saǵat 21-00-den kelesi kúngi saǵat 12-00-ge deıin alkogol ónimderin satýǵa tyıym salynǵan», - dedi ol.
