ІІM janyndaǵy Qoǵamdyq keńeske jańa músheler qabyldandy
ASTANA. QazAqparat - Búgin QR Іshki ister mınıstrligi janyndaǵy Qoǵamdyq keńestiń kezekti otyrysynda keńeske jańa músheler qabyldandy.
Olardyń arasynda «Chernobyl ardagerleri keńesi» úılestirý keńesiniń tóraǵasy Ábilda Ábdikárimov, Ulttyq baspasóz klýbynyń vıtse-prezıdenti Tólemis Qulmuhamedov jáne Qazaq gýmanıtarlyq-zań ýnıversıtetiniń protsessýaldyq zertteý jáne sybaılas jemqorlyqqa qarsy is-áreket ǵylymı-zertteý ınstıtýtynyń dırektory Marat Qoǵamov bar.
«Mınıstrlik Qoǵamdyq keńestiń jumysyna úlken mán beredi. Ózderińiz bilesizder, jýyq arada qabyldanatyn «Іshki ister organdary týraly» Zańnyń jańa redaktsııasynda ishki ister organdarynyń azamattyq qoǵam ınstıtýttarymen ózara qarym-qatynasy týraly jáne qoǵamdyq baqylaý júıesi jónindegi bólimder bolady. ıAǵnı, Qoǵamdyq keńestiń budan bylaıǵy jumysy zańnamalyq turǵyda júrgiziledi degen sóz» , - dep atap ótti Іshki ister mınıstri Qalmuhanbet Qasymov.
