ІІM zańdastyrylmaǵan sheteldik kólikter týraly: Ne elden shyǵarady, ne bólshektep satsyn
ASTANA. QazAqparat – ІІM Ákimshilik polıtsııa komıteti tóraǵasynyń mindetin atqarýshy Qaısar Sultanbaev memleket usynǵan múmkindikti paıdalanbaı, sheteldik kóligin zańdastyrmaǵan adamdarǵa ne isteýge bolatynyn aıtty, dep habarlaıdy QazAqparat tilshisi.
«Avtokóligin zańdastyrmaǵan adamdardyń taǵdyry shara aıaqtalǵannan keıin qalaı bolady?» - dep surady BAQ ókili ortalyq kommýnıkatsııalar qyzmetinde ótken brıfıngide.
Qaısar Sultanbaevtyń aıtýynsha, mundaı adamdarda eki-aq jol bar.
«Zańdastyrýdan ótpegen kólikterdiń ıeleri qaıtadan ákelgen eline shyǵarýy kerek bolar nemese bólshektep, qosalqy bólshek retinde satyp qutylatyn shyǵar. Men basqa jolyn kórip turǵan jopyn», - dedi ІІM ókili.
