ІІM ýchılışesinde «Qosh keldiń, áz Naýryz!» atty merekelik shara uıymdastyryldy

Mádenı sharany QR ІІM ýchılışesi bastyǵynyń orynbasary polıtsııa podpolkovnıgi Aısulý Jákenova quttyqtaý sózimen ashty.

Bul týraly QazAqparatqa QR ІІM ýchılışesiniń oqytýshysy, polıtsııa aǵa leıtenanty Gúlzat Rahymjanova habarlady.

Onyń aıtýynsha, munda barlyq jeke quram jáne aýyspaly quram 3 aýylǵa bólinip, ár aýyl ózderiniń ónerlerin, qazaqtyń salt-dástúrlerin kórsetti. Atap aıtsaq, «Esil» aýyly qazaqtyń qudalaryna tartatyn «quıryq baýyr jegizý» rásimin kórsetse, «Shákárim» aýyly quda túsý, al «Naýryz» aýyly qyz uzatý, quda kútý jáne tusaýkeser rásimderin óz naqyshtaryna keltirip kórsetti. Barlyq qyzmetkerler men tyńdaýshylar bir adamdaı bolyp, jumyla, belsendilikpen qatysty. Jalpy barlyq kórermender de, qatysýshylar da qazaqtyń salt-dástúriniń tereń oılary bar jáne mán-maǵynasy óte zor ekenderine kóz jetkizdi.

«QR ІІM ýchılışesiniń maqsaty - parasatty, patrıot, bilimdi, bilikti polıtseıler daıyndaýmen qatar, olardy izettilikke, ınabattylyqqa, parasattylyqqa tárbıeleý. Osyndaı sharalar jastarymyzdyń ulttyq salt-dástúrge degen kózqarastaryn qalyptastyryp, olardy ómirlerinde jadynda ustaýǵa jáne ustana bilýge mashyqtandyrady degen oıdamyz. Mundaı ıgi is sharalar bul oqý orynda áli de jalǵasyn tabatynyna senim mol», - deıdi ol.