ІІM: Travmatıkalyq qarý azamattyq qarý salasynan qyzmettik qarý salasyna aýystyrylady
ASTANA. 29 mamyr. QazAqparat - Іshki ister mınıstrligi travmatıkalyq qarýlardy azamattyq qarý salasynan qyzmettik qarý salasyna aýystyrýdy usynady.
Búgin Parlament Májilisinde «Travmatıkalyq qarý:zańnamalyq retteý máseleleri» atty dóńgelek ústel barysynda Іshki ister mınıstri Qalmuhanbet Qasymov osylaı málim etti.
«Buǵan deıin travmatıkalyq qarý elimizde erkin aınalymda júrip keldi. Ony ıelený úshin eshqandaı ruqsat qujattary da, anyqtamalar da talap etilmeıtin. Qarýdyń osy túrin satýdy eshkim baqylamaıtyn. Sondyqtan da, 2008 jyly Іshki ister mınıstrliginiń bastamasy boıynsha travmatıkalyq qarý túrleri quqyq organynda mindetti túrde tirkeletin boldy, onyń ıesi de sáıkes tizimge alyndy. Iesi turaqty meken-jaıyn aýystyrǵanda ony qaıta tirkeý talaptary da engizilgen bolatyn», - deıdi mınıstr Q. Qasymov.
Onyń aıtýynsha, búgingi tańda elimizde travmatıkalyq qarýy bar 38 myń adam tirkelgen. Olardyń qolynda 43,5 myń jaraqattaǵysh qarý bar.
«Jalpy travmatıkalyq qarý ózin-ózi qorǵaýǵa arnalǵan. Alaıda, tájirıbe kórsetkenindeı, qarýdyń bul túri tek sanaýly ǵana jaǵdaıda adamnyń qylmysker shabýylynan qorǵanýda qoldanylǵan. ıAǵnı, ózin-ózi qorǵaýǵa qaraǵanda, ony qoldaný arqyly qylmys jasaý, travmatıkalyq qarýmen kisi óltirý faktileri jetkilikti. Máselen, sońǵy bes jyldy travmatıkalyq qarý qoldaný arqyly jasalǵan qylmys sany 8 esege artty. Al atys qarýy qoldanylyp jasalǵan jalpy qylmystyń jartysynan astamy osy travmatıkalyq qarýdyń enshisine tıedi jáne onyń basym bóligi qasaqana jasalǵan qylmystar bolyp otyr», - deıdi mınıstr.
