ІІM: Synnyń astynda qala bermeı, senimge ıe bolǵymyz keledi
NUR-SULTAN. QazAqparat - QR Іshki ister mınıstri Erlan Turǵymbaev ózi basshylyq etip otyrǵan quzyrly vedomstvo azamattyq sektormen qalaı birlese jumys júrgizip jatqanyn aıtyp berdi, dep habarlaıdy QazAqparat tilshisi.
«Búgingi kúni ishki ister organdarynyń jumysyndaǵy reformalardyń biri - jemqorlyqpen kúres. Oǵan qatysty sharalardy ІІM azamattyq sektormen, Memlekettik qyzmet isteri jáne sybaılas jemqorlyqqa qarsy is-qımyl agenttigimen, ÚEU-men birlese júrgizýde. Myńǵa tarta usynys kelip tústi. Suraqtardyń kóbin júıelep, taldap kórgenimizde kóp saýaldardyń qaıtalanyp jatqanyn baıqadyq. Aqyry, osy usynystardyń ishinen 28-in iriktep aldyq», - dedi mınıstr azamattyq qoǵam ókilderimen kezdesý barysynda.
Vedomstvo basshysy óz sózinde ІІM qazaqstandyq qoǵam kórgisi keletin polıtseıdiń sıpatyn jasaý kózdelip otyrǵanyn atap ótti.
«Reformanyń baǵdarlamasyn ázirleýde belsendi túrde atsalysyp júrgen azamattarǵa erekshe alǵysymdy aıtqym keledi. ІІM Sizdermen árdaıym birlese eńbek etýge daıyn. ІІM tek synnyń astynda qalatyn organ emes, senimge ıe bolǵanyn qalaımyz», - dedi ol.
Erlan Turǵymbaev óz sózinde áleýmettik jelilerde polıtsııa qyzmetkerleri jıi synǵa ushyrap jatatynyn da moıyndady.
«Kóptegen syn pikirler áleýmettik jelilerden túsip jatqanyn jasyrmaımyn. Jaǵymsyz sózder de aıtylyp jatyr. Biraq, qazirgi ýaqytta bizde polıtsııa departamentteriniń jáne mınıstrliktiń óz ishiniń jumysyna baǵa berip otyratyn arnaıy monıtorıngtik top qurylǵanyn atap ótkim keledi. Bizdiń qyzmetkerlerdiń tártipten tys áreketteri boıynsha sheshim birden qabyldanýda. Tipti jumystan shyǵarýǵa deıingi sharalar da qolǵa alynǵan», - deıdi mınıstr.
