ІІM stýdentter men joǵary synyp oqýshylaryn jazda jumysqa alǵan kásiporyndardy yntalandyrýdy usyndy
ASTANA. QazAqparat – Іshki ister vıtse-mınıstri Igor Lepeha stýdentter men joǵary synyp oqýshylaryn jazǵy demalys kezinde jumysqa tartqan kásiporyndarǵa jeńildik berýdi usyndy, dep habarlaıdy QazAqparat tilshisi.
«Kámeletke tolmaǵandar arasyndaǵy qylmystyń negizgi sebepteriniń biri - jumysy joqtyq pen bos ýaqyttyń kóptigi. Tájirıbe kórsetip otyr, qylmys jasaǵan jasósipirmderdiń jartysynan astamy esh jerde oqymaǵan jáne esh jerde jumys istemegen», - dedi ol.
Vıtse-mınıstr aýyl jastarynyń arasynda bul másele tipten ózekti ekenin aıtady.
«Aýylda jastardyń damýyna, bos ýaqytyn ótkizetin sharalardy uıymdastyrýǵa jaǵdaı jasaý qajet. Bul problemany sheshýdiń bir joly - jazǵy demalys kezinde stýdentter men joǵary synyp oqýshylaryn jumysqa tartqan kásiporyndarǵa jeńildikter usyný bola alar edi. Bul shara jasóspirimderdiń bos ýaqytyn tıimdi ótkizýine septigin tıgizip, jastardyń áreketin durys arnaǵa baǵyttaıdy», - dedi Igor Lepeha.
