ІІM sheteldik fýtbolshylardyń Qazaqstannyń azamattyǵyn alýynyń zańdylyǵyn tekserýde
ASTANA. QazAqparat - Qazaqstan Fýtbol federatsııasynyń arnaıy qurylǵan komıssııasy birqatar otyrystar ótkizdi, oǵan «Tobyl» FK dırektory Talǵat Baımuratov pen atalmysh klýb oıynshysy Nıkola Tonev shaqyrylǵan edi, dep habarlaıdy FFK baspasóz qyzmetinen.
«Alaıda fýtbolshy Nıkola Tonev komıssııa otyrysyna kelmedi. «Tobyl» FK ókilderi onyń komanda qaramaǵynda joq ekendigin málim etti», dep habarlady QFF baspasóz qyzmetinen.
Sonymen, QFF Qazaqstan Respýblıkasy Іshki ister mınıstrligi Kóshi-qon polıtsııasy komıtetine 2014 jylǵy fýtboldan Qazaqstan chempıonatyna qatysý úshin oıynshy ótinim bergen kezde «Tobyl» FK usynylǵan Nıkola Tonevtiń jeke kýáligi men tólqujatynyń kóshirmelerin qosyp suraý jibergen. «Búgingi kúni Federatsııa atalmysh fakti boıynsha ІІM-nen, «Tobyl» FK-dan jaýap kútýde, olardyń ókilderi áli jazbasha jaýap bergen joq», - delingen habarlamada. Esterińizge sala keteıik, Qazaqstan fýtbol federatsııasynda vıtse-prezıdent Oljas Abraevtyń tóraǵalyǵymen arnaıy komıssııa qurý týraly sheshim qabyldady. Ol jekelegen fýtbolshylardyń Qazaqstan Respýblıkasynyń azamattyǵyn alýynyń zańdylyǵyn tekserýmen aınalysady. Qosymsha aqparat memlekettik organdardyń jaýabynan soń beriledi.
