ІІM shaǵym túsirýge arnalǵan jańa mobıldi qosymshany tanystyrdy
NUR-SULTAN. QazAqparat – Elimizde polıtsııaǵa shaǵym qaldyratyn jańa mobıldi qosymsha iske qosylady, dep habarlaıdy QazAqparat tilshisi.
«Aıtar bolsaq, jol-kólik oqıǵasy oryn aldy. Sol sátte mobıldi qosymsha arqyly polıtsııaǵa foto, vıdeo jáne oqıǵa oryn alǵan mekejaıdy tikeleı jiberýge bolady. Polıtsııa óz kezeginde jedel áreket etedi. Odan bólek, kólikti turaqqa durys qoımaǵan, qoqys tastaǵan, tóbeles oryn alǵan nemese túngi saǵat 23:00-ten keıin mazany alǵan jaǵdaıda da osy mobıldi qosymsha arqyly birden tártip saqshysyna habarlasý múmkindigi bar. Sonymen qatar, azamattar polıtseılerdiń habarlamaǵa oraı qanshalyqty jedel áreket etetinin baqylaı alady», - dedi QR Іshki ister vıtse-mınıstri Sáken Sársenov atalǵan mobıldi qosymshany tanystyrý barysynda.
Sondaı-aq, mınıstr orynbasarynyń sózine sensek, turǵyndar jeke basyna qaýip tóngen jaǵdaıda da atalǵan mobıldi qosymsha arqyly polıtsııaǵa habar bere alady.
Buǵan deıin habarlaǵanymyzdaı, QR Іshki ister vıtse-mınıstri Sáken Sársenov balalardyń qaýipsizdigin qamtamasyz etýge arnalǵan jańa elektrondy qurylǵyny tanystyrdy.
Odan bólek, mınıstr orynbasary budan bylaı sottalǵan jáne úı qamaýyndaǵylar elekrondy bilezik arqyly baqylanatynyn málim etti.
