ІІM: Respýblıkada jasalǵan qylmystardyń 50 paıyzdan astamy - urlyq
ASTANA. 11 mamyr. QazAqparat /Jasulan Amanbaıuly/ - Respýblıkada jasalǵan qylmystardyń 50 paıyzdan astamy - urlyq. Bul týraly búgin elordada eldegi krımınogendik ahýal jaıynda baıandaǵan QR ІІM-niń Ákimshilik polıtsııa komıtetiniń tóraǵasy Qaırat Tynybekov málim etti.
Onyń aıtýynsha, mamyr aıynyń birinshi onkúndiginde barlyǵy 3572 qylmys tirkeldi, onyń ishinde 1797 faktisi - urlyq.
Eń iri urlyq jasaý oqıǵasy 6-7 mamyr aralyǵynda Taraz qalasynda oryn aldy. Jambyl temir jol stansasynda «Vstrecha» meıramhanasynyń jalǵa alynǵan qosalqy bólmesinde ornalasqan «Halyq banki» aktsıonerlik qoǵamy fılıalynyń bankomatynan sandyq kiltti úılestirý arqyly 14 mln. teńge aqsha urlanǵan.
Q. Tynybekovtyń málim etkenindeı, avtokólikterdi urlaý men aıdap ketýdiń 78 fakti tirkelgen, onyń ishinde 39 fakti ázirge ashylǵan joq.
