ІІM R. Nııazovtyń aryzyna qatysty áreketsizdikti joqqa shyǵaryp otyr
ASTANA. Aqpannyń 24-i. QazAqparat /Rýslan Ǵabbasov/ - ІІM R. Nııazovtyń aryzyna qatysty áreketsizdikti joqqa shyǵarady.
Bul týraly búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti,
«Bul shyndyqqa sáıkes kelmeıdi. Birqatar BAQ-ta jábirlenýshi (dámhana ıesi) R. Nııazov osy faktini tergeýde ishki ister organdarynyń áreketsizdigi týraly túsiniktemeler jarııalaǵany belgili. Sonymen qatar aıta ketetin jaıt, osyǵan baılanysty Nııazovtyń aryzy aqpannyń 12-inde kelip tústi. Kelesi kúni qylmystyq is qozǵaldy. Qazirgi ýaqytta tıisti tergeý amaldary júrgizilýde. Ol aıaqtalǵan soń, is sotqa jiberiletin bolady. Bul is mınıstrlik basshylyǵynyń baqylaýynda», dedi Q. Jumanov.
Budan buryn habarlanǵandaı, aqpannyń 12-inde, kúndiz Qaırat Ábdikárimov kúrekpen elordadaǵy «Mol dastarhan» dámhanasynyń múlkin qıratqan. Buqaralyq aqparat quraldarynda Q. Ábdikárimov bundaı áreketin taýarlyq belgige oraı týyndaǵan janjalǵa baılanystyrǵan.
