ІІM polıtsııa qyzmetkerleriniń baspana máselesin sheshýdiń jańa amalyn usyndy
NUR-SULTAN. QazAqparat - Tyń bastama týraly Ádilet mınıstrliginde ótken vedomstvoaralyq komıssııanyń kezekti otyrysynda Іshki ister mınıstriniń orynbasary Alekseı Kalaıchıdı aıtyp berdi, dep habarlaıdy QazAqparat tilshisi.
«Bıyl ishki ister organdarynyń jumysyn jańǵyrtýǵa qatysty jol kartasynyń qabyldanýyna oraı, quqyq qorǵaýshylardy áleýmettik turǵyda qorǵaý boıynsha sharalar qabyldanǵaly jatyr. Osyǵan baılanysty, ishki ister qyzmetkerlerine turǵyn úı boıynsha beriletin tólem mehanzmderi aıqyndalady. Sebebi, Іshki ister mınıstrliginde ózindik turǵyn úı qory joq. Sol sebepti, qazirgi tańda qyzmetkerlerge qyzmettik turǵyn úıdiń ornyna aıyna jalǵa beriletin úı úshin ótemaqy berilip keledi. Ol aqsha aınalyp kelgende jalǵa beretin úı ıesiniń qaltasyna ketip jatyr. Aqyry, zeınetke shyqqan kezde bizdiń qyzmetkerler úısiz qalady», - dedi Alekseı Kalaıchıdı.
Vıtse-mınıstr osyǵan baılanysty áskerı qyzmetshiler sekildi ishki ister organdary qyzmetkerlerine ekinshi deńgeıli bankten arnaıy shot ashý arqyly ótemaqy berý mehanızmin ázirleýdi usyndy.
«Bul kelisim ІІM, bank pen qurylys kompanııasynyń arasynda jasalýy múmkin. Osyǵan baılanysty «Turǵyn úı qatynastary» týraly jáne «QR Іshki ister organdary týraly» zańǵa ózgerister engizilip jatyr. ıAǵnı, osy zańdar arqyly úı alý quqyǵynaa ıe qyzmetkerlerdiń tizimin jasaımyz. Bul úshin qosymsha qarajattyń keregi joq. Barlyq memlekettik organdar bul bastamany qoldap otyr», - dedi vıtse-mınıstr.
Alekseı Kalaıchıdıdiń aıtýyna qaraǵanda, qazirgi tańda ishki ister organdarynyń qyzmetkerlerine otbasynyń jan sanyna jáne aımaqtardyń aıyrmashylyqtaryna qaraı páter jaldaý tólemaqysy berilýde. Máselen, Taraz qalasynda bir adam úshin 19 myń teńge, Nur-Sultan qalasy úshin 49 myń teńge bólinedi (ıaǵnı, otbasynda úsh adam bolsa, elordada páter jaldaýǵa 147 myń teńge berilip otyr).
«ıAǵnı, aldaǵy ýaqytta úıdi jaldaǵany úshin beriletin qarajat ekinshi deńgeıli bankterdiń birine berilip otyrady. Dál osy aqsha ishki ister organynyń qyzmetkeriniń satyp alǵan úıi úshin ıpotekalyq baǵdarlamaǵa jumsalady. Bolmasa polıtseı qurylys kompanııasymen kelisimge kelip, úıdi satyp ala alady. Demek, ekinshi deńgeıli banktegi óz shotyndaǵy aqshany tártip saqshysy baspanadan basqa maqsatta jumsaı almaıtyndaı etsek deımiz. Eń bastysy, quqyq qorǵaýshyda zeınetke shyqqanda úıi ózinde qalady», - dedi vıtse-mınıstr.
Alekseı Kalaıchıdı osy júıe iske asqan jaǵdaıda 15 myńǵa jýyq ishki ister organynyń qyzmetkeri úı ala alatynyn jetkizdi. Naqtyraq aıtqanda, jedel qyzmetkerler, tergeýshiler, ýchaskelik polıtseıler, patrýldik polıtsııa qyzmetkerleri men jasóspirimder isi jónindegi tártip saqshylaryn úımen qamtý kózdelgen.
Eske sala ketsek, ótken aıda Іshki ister mınıstri Erlan Turǵymbaev QR Іshki ister mınıstri Erlan Turǵymbaev ózi basshylyq etip otyrǵan quzyrly vedomstvo azamattyq sektormen qalaı birlese jumys júrgizip jatqanyn aıtyp bergen bolatyn.
«Búgingi kúni ishki ister organdarynyń jumysyndaǵy reformalardyń biri - jemqorlyqpen kúres. Oǵan qatysty sharalardy ІІM azamattyq sektormen, Memlekettik qyzmet isteri jáne sybaılas jemqorlyqqa qarsy is-qımyl agenttigimen, ÚEU-men birlese júrgizýde. Myńǵa tarta usynys kelip tústi. Suraqtardyń kóbin júıelep, taldap kórgenimizde kóp saýaldardyń qaıtalanyp jatqanyn baıqadyq. Aqyry, osy usynystardyń ishinen 28-in iriktep aldyq», - dedi mınıstr azamattyq qoǵam ókilderimen kezdesý barysynda.
Mınıstrdiń atap ótýinshe, Elbasynyń tapsyrmasy boıynsha osy jyldyń basynan ishki ister organdarynda keń kólemdi reforma bastaldy. Bul reformanyń mańyzdy tustarynyń biri - vedomstvolyq bilim berý salasyn jańǵyrtý. Atalǵan salada qazirdiń ózinde naqty ister atqarylyp jatyr. Bilim berý júıesi ońtaılandyrylyp, 6 oqý ortalyǵy qysqartyldy. Qazirgi ýaqytta polıtseılerdi daıyndaý Almaty, Qaraǵandy jáne Qostanaı akademııalary, Aqtóbe zań ınstıtýty men Shymkent oqý ortalyǵynda júrgiziledi. Sonymen qatar ІІM bakalavrıat baǵdarlamasy boıynsha kadr daıyndaýdan bas tartty. Qaraǵandy akademııasynda ǵana bul baǵdarlama saqtalyp qaldy.
