ІІM polıtsııa qyzmetkeriniń áriptesin qýǵany túsirilgen vıdeoǵa qatysty túsinik berdi

AQTAÝ. QazAqparat - Іshki ister mınıstrligi polıtsııa qyzmetkeriniń óz áriptesin qýǵan vıdeoǵa qatysty pikir bildirdi, dep habarlaıdy QazAqparat Polisia.kz saıtyna silteme jasap.

Áleýmettik jelide polıtsııa qyzmetkeriniń quqyq buzýshynyń artynan júgirgeni túsirilgen vıdeo tarady. Jelidegi aqparatqa sáıkes, qashyp bara jatqan azamat ta polıtsııa qyzmetkeri.

ІІM bul aqparatty rastady.

«6 qazan kúni saǵat 12:00-de Jańaózendik patrýldik polıtsııa qyzmetkerleri jalǵan nómirli «Toıota» kóligin toqtatty. Atalǵan fakti boıynsha Qazaqstan Respýblıkasy ÁQBtK-niń 4-bóliginiń 590-baby (Kólik quraldaryn paıdalaný qaǵıdalaryn buzý) boıynsha ákimshilik hattama toltyryldy. Kólik turaqqa qoıyldy. Materıal sotqa jiberildi», - dep habarlady vedomstvo.

Qazirgi ýaqytta tekserý júrgizilip jatyr. Bul qyzmetkerdiń áreketin tártiptik komıssııa qaraıdy.

Foto: polisia.kz