ІІM ortalyq apparatynan 600-den astam qyzmetker qysqartyldy
BІShKEK. QazAqparat - Qyrǵyz Respýblıkasy Іshki ister mınıstrliginiń ortalyq apparatynan 600-den astam qyzmetker qysqartyldy. Bul týraly Qyrǵyzstan ishki ister mınıstri Kashkar Jýnýshalıev málimdedi, dep habarlaıdy QazAqparat «Kabar» agenttigine silteme jasap.
Mınıstrdiń sózine qaraǵanda, ol respýblıkanyń barlyq óńirlerin aralap, jaǵdaımen tanysyp shyqqan.
«Jergilikti turǵyndarmen suhbattasyp, aýmaqtyq jáne óńirlik polıtsııa bólimsheleriniń problemalarymen tanysa kele, Qyrǵyz Respýblıkasy ishki ister organdarynyń qyzmetin ońtaılandyrý týraly sheshimge keldim. Іshki ister organdarynyń basty mindetteriniń biri óz kúshine súıene otyryp óńirlerdi nyǵaıtý, damytý bolyp tabylady. Qyrǵyz Respýblıkasy Іshki ister mınıstrliginiń ortalyq apparatynan 625 shtat qysqarady», - dedi ol.
Qysqartylǵan shtattardyń esebinen ýchaskelik mılıtsııalarǵa 100 shtat, kámeletke tolmaǵandardyń isteri jónindegi ınspektorlarǵa 25 shtat, kezekshi bólimderge 45 shtat qosylady.
