ІІM ortalyq apparaty qyzmetkerleriniń arasynda ótken spartakıadanyń jeńimpazdary anyqtaldy
ASTANA. 14 jeltoqsan. QazAqparat /Murat Jakeev/ - Búgin Astanadaǵy «Alataý» sport saraıynda ІІM ortalyq apparaty qyzmetkerleriniń arasynda ótken spartakıadanyń saltanatty jabylý rásimi ótti.
Mınıstrliktiń baspasóz qyzmetinen habarlaǵandaı, spartakıada bıyl jarty jyldaı ýaqytqa sozyldy jáne sporttyń shaǵyn fýtbol, kir tasyn jatyp syǵymdap kóterý, júzý, voleıbol, jeńil atletıka, ústel tennısi, Makarov tapanshasynan jáne Kalashnıkov avtomatynan atý sııaqty túrlerin qamtydy. Básekelerge mınıstrliktiń komıtetteri men departamentteriniń jáne derbes basqarmalarynyń atynan 15 komanda qatysty.
Іshki ister mınıstrliginiń buıryǵymen zeınetke shyqqan burynǵy qyzmetkerlerge de jarysqa qatysýǵa ruqsat berildi. Bıyl sondaı-aq alǵash ret ІІM Akademııasy Ǵylymı-zertteý ınstıtýtynyń komandasy da qatysty.
Básekelerdiń qorytyndysy boıynsha, komandalyq birinshilikte birinshi oryndy - sońǵy bes jyl boıy jeńimpazdar tuǵyrynan túspeı kele jatqan ІІM kadrlyq jumystar departamentinń komandasy ıelendi. Olar ústel tennısinen, Makarov tapanshasynan jáne Kalashnıkov avtomatynan atýdan birinshi oryn aldy. Ekinshi oryndy - jedel qyzmet jáne Interpoldyń ulttyq ortalyq bıýrosynyń komandasy, úshinshi oryndy vedomstvonyń ardagerler komandasy jeńip aldy.
