14:45, 27 Qyrkúıek 2022 | GMT +6
ІІM óndirisinde Samat Ábish pen Erlan Turǵymbaevqa qatysty eshqandaı qylmystyq is joq – mınıstr
ASTANA. QazAqparat – Іshki ister organlarynyń óndirisinde Ulttyq qaýipsizdik komıteti tóraǵasynyń burynǵy orynbasary Samat Ábish pen Іshki ister mınıstrliginiń burynǵy basshysy Erlan Turǵymbaevqa qatysty eshqandaı qylmystyq is joq. QR Іshki ister mınıstri Marat Ahmetjanov ortalyq kommýnıkatsııalar qyzmetinde ótken brıfıngide osyndaı málimet aıtty, dep habarlaıdy QazAqparat tilshisi.
«Eks-mınıstr Erlan Turǵymbaev qańtar oqıǵasyna baılanysty qashan jaýapqa tartylady? Kárim Másimov qamaýǵa alynǵanymen onyń orynbasary Samat Ábishke qatysty nege qylmystyq is tirkelmegen?» dep surady jýrnalıst.
Mınıstr qańtar oqıǵasyna qatysty tergep-tekserý jumystary basqa quzyrly organdardyń ónidirisinde ekenin eske saldy.
«Іshki ister organdarynyń óndirisinde atalǵan azamattarǵa qatysty eshqandaı sharalar joq. Ne Turǵymbaevqa, ne Ábishke qozǵalǵan qylmystyq is bizde joq», - dedi Marat Ahmetjanov.
