ІІM ókili Qaraǵandy oblysyndaǵy sý basý qaýipi bar aımaqtardy aralady
QARAǴANDY. QazAqparat - QR Іshki ister mınıstriniń orynbasary ıÝrıı Ilın Qaraǵandy oblysynyń ákimi Erlan Qoshanovpen birge oblystaǵy sý basý qaýipi týyndap turǵan aımaqtardy aralap kórdi, dep habarlaıdy QazAqparat tilshisi.
Óńirde sońǵy eki jylda sý tasý jaǵdaılary jıi kezdesti. Sol sebepti mınıstrdiń orynbasary osyndaı qaýipti aımaqtardy jeke ózi aralap kórdi.
«Arnaıy top Buqar Jyraý, Qarqaraly, Shet, Abaı men Nura aýdandarynyń aımaǵyn baqylap kórdi. Sonymen qatar Nura men Sherýbaı-Nura ózenderindegi jaǵdaı baqylaýǵa alyndy. Arnaıy top júrip ótýi tıis baǵyt Samarqan sý qoımasynan bastap, Ǵabıden Mustafın, Petrovka, Botaqara, Sheshenqara, Buqar jyraý aýdandaryn jáne Yntaly aýyly men Mataq, Kóktas, Aqjol, Besoba eldi mekenderin basyp ótip, Qarqaraly aýdanyndaǵy Taldy stantsııasyn Nurataldy, Krasna polıana sııaqty eldi mekender men Shet aýdanyndaǵy Nurataldy stantsııasyn qamtýy tıis bolatyn»,-dep habarlady Tótenshe jaǵdaılar departamentiniń baspasóz qyzmeti.
Budan ári baǵyt Abaı aýdanyndaǵy Qulaaıǵyr, Samarka aýyldary men Yntymaq sý qoımasy arqyly ótýi tıis edi. Bul baǵyt Aqmeshit, Baıtýǵan, Shahter, Nura aýdanyndaǵy Maıorovka eldi mekenderin qamtıdy.
Vıtse-mınıstr Samarqan, Sherýbaı-Nura, Yntymaq jáne Jartas sý qoımalaryna sý kóp kelgen jaǵdaıǵa daıyn bolý qajettigin jáne aldyn ala shara qarastyrý qajettigin eskertti.
«Qar erip, sý kóbeıe bastaǵan kezde-aq ony birden rettep otyrý kerek»,-dedi ol.
Qaraǵandy oblysynyń aımaǵynda tabıǵattyń belsendiligi 30 naýryzdan-aq baıqala bastady. Sebebi kún jylynyp, qar kóp eridi. Sýdyń tasý qaýipi Qaraǵandynyń ózinde, Temirtaý, Buqar jyraý, Qarqaraly, Shet jáne Jańa-arqa aýdandarynda baıqaldy.
Sý tası bastaǵanda, 21 turǵyn úı men 44 aýlaǵa qaýip tóndi. Ázirge sý basyp qalǵan úıler men aýlalar joq.
