ІІM: Nur-Sultan men Almatyda zańsyz sherýge shyqqandar áreketine quqyqtyq baǵa beriledi
NUR-SULTAN. QazAqparat - Nur-Sultan men Almatyda zańsyz sherýge shyqqan 500-deı adam ustaldy. Bul týraly búgin QR Іshki ister mınıstriniń orynbasary Marat Qojaev aıtty, dep habarlaıdy QazAqparat tilshisi.
"Saılaý kúninde Іshki ister mınıstrligi daýys berý oryndarynda da, kósheler men qoǵamdyq oryndarda da quqyqtyq tártipti qamtamasyz etti. Qoǵamdyq tártipti saqtaýǵa elimiz boıynsha shamamen 19 myń polıtsııa qyzmetkeri tartyldy. Qazirgi ýaqytta barlyq saılaý ýchaskeleri jabyldy. Hattamalar men bıýlletenderdi odan ary oblystyq jáne Ortalyq saılaý komıssııalaryna jetkizý kezinde olardyń saqtalýy qamtamasyz etiledi", - dedi ol Ortalyq saılaý komıssııasyndaǵy brıfıngte.
Onyń atap ótýinshe, jalpy daýys berý qalypty jáne tynysh jaǵdaıda ótti. Barlyq 9 903 saılaý ýchaskesinde birde-bir oqys oqıǵa tirkelgen joq, qoǵamdyq tártip saqtaldy.
"Sonymen qatar elimizdiń Almaty jáne Nur-Sultan qalalarynda zańsyz sherýler uıymdastyrý jáne qoǵamdyq jaǵdaıdy turaqsyzdandyrý áreketteri boldy. Nur-Sultan jáne Almaty qalalarynda zańsyz aktsııalarǵa qatysqany úshin ishki ister bólimderine shamamen 500-deı adam jetkizildi. Mysaly, Nur-Sultan qalasynda "Jastar" saraıy aýdanynda bir top azamat Respýblıka dańǵyly boıynda kóliktiń aldyn jappaq boldy. Arandatýshylar men belsendi qatysýshylardyń áreketterine jaqyn arada quqyqtyq baǵa beriledi. Polıtseılerdiń áreketi týraly aıtar bolsaq, barlyq sharalar zańǵa sáıkes júrgizildi. Quqyq buzýshylardy ustaý kezinde arnaıy quraldar qoldanylǵan joq", - dedi Marat Qojaev.
