ІІM-niń Jol polıtsııasy komıteti jańa jyldyń alǵashqy kúnderi derbes saıttarynyń mobıldi nusqasyn usyndy

Jańa resýrs uıaly telefondardyń shaǵyn dıspleılerinde, kommýnıkatorlar men qalta kompıýterlerdiń dıspleılerinde qaraý úshin ońtaılandyrylyp shyǵarylǵan. Saıttyń mobıldi nusqasy eń qajet aqparatty ońaı alý múmkindigimen jasalǵan. Bul týraly QR ІІM Jol polıtsııasy komıtetiniń baspasóz qyzmeti habarlady.

Saıt paıdalanýshylary jol polıtsııasynyń sońǵy jańalyqtarymen, júrgizýshi kýáligin alý, avtokólikti tirkeý jáne Jol júrý erejelerimen tanysa alady. Budan basqa, mobıldi nusqany paıdalanýshylar JQE buzýshylyqtaryn anyqtaı alady jáne onlaın rejımde buzýshylyqtary úshin aıyppuldaryn da tóleý múmkindikteri bar. Sonymen qatar, saıttyń mobıldi nusqasynda Komıtet mamandaryna suraq qoıyp, jol júrisi salasynda keńes alýǵa bolady.

«Saıt paıdalanýshylary arasynda mobıldi qurylǵylardyń keńinen paıdalanylýy saıttyń mobıldi nusqasyn ázirleýge yqpal etti, - dep Jol polıtsııasy komıteti tóraǵasynyń orynbasary Ermek Qusaıynov atap ótti - Statıstıkaǵa sáıkes, JPK saıtynyń turaqty paıdalanýshylarynyń 30 paıyzy portaldyń servısterine mobıldi qurylǵy arqyly kiredi».

Internet jelisindegi ІІM Jol polıtsııasy komıtetiniń resmı saıty 2008 jyldan bastap jumys isteıdi. Halyq arasynda saıt keńinen tanymal: kún saıyn saıtta orta eseppen alǵanda 600 adamnyń kirgeni tirkeledi, olar saıttyń 3 myńǵa jýyq paraqtarynan aqparat alady. Barlyǵy 2012 jyly 188 myń saıt paıdalanýshysy 1,2 mln. ret kirgen. Sonymen qatar, saıtqa Qazaqstan azamattarynan basqa, taıaý jáne alys shetelderdiń azamattary da kiredi.

Saıt paıdalanýshylary úshin ınteraktıvti qyzmetter ázirlengen (saıttyń óziniń modýlderi arqyly nemese anyqtama siltemeler boıynsha): JQE buzýshylyqtaryn anyqtaý, Internet arqyly buzýshylyqtar úshin aıyppuldardy tóleý, kólik quralyna salyq kólemin esepteý, saqtandyrý jáne dóńgelek kalkýlıatorlarynyń qyzmeti, jol polıtsııasy bólinisteriniń elektrondyq kartasy, sondaı-aq «JQE - onlaın» servısi, «Qaýipsizdik álippesi» balalar oıyny.

«Mobıldi qurylǵylardyń san alýan túrlerin meńgergen Internet paıdalanýshylary saıttyń «yqsham» túrin tıisinshe baǵalaıdy dep senim bildiremiz.

Saıttyń mobıldi nusqasy http://mvd.gov.kz/wap/kdp mekenjaıynda ornalasqan.