ІІM-niń úzdik tergeýshileri men anyqtaýshylary belgili boldy
QARAǴANDY. QazAqparat - B. Beısenov atyndaǵy QR ІІM Qaraǵandy akademııasynda Qazaqstannyń úzdik tergeýshileriniń respýblıkalyq sleti bolyp ótti., dep habarlaıdy QazAqparat tilshisi.
Jıynǵa kóp qylmystyq isterdi sotqa jibergen, sotqa deıingi tergep-tekserý júrgizý kezinde isterdiń sapasy men zańdylyǵyn qamtamasyz etken qyzmetkerler jınaldy. Slettiń qorytyndysy boıynsha Almaty qalasy polıtsııa departamenti Medeý aýdandyq PB tergeý bóliminiń tergeýshisi polıtsııa kapıtany Sabyrjan Seksenbaev 2019 jyldyń úzdik tergeýshisi atandy.
Eń úzdik anyqtaýshy bolyp elordalyq polıtsııa maıory Áskerbek Muhambetqalıev atandy.
Slettiń 40 delegaty ІІM akademııasynyń stýdentterimen óz tájirıbesimen bólisti. Olar sońǵy kýrstarǵa arnalǵan sheberlik sabaqtaryn ótkizdi, tergeý qyzmetiniń aımaqtyq erekshelikterin eskere otyryp, praktıkalyq usynystar berdi.
«Іshki ister organdarynda tergeýshiler men anyqtaýshylardyń úlesine jasalǵan qylmystyq istiń 90% tergeý aýyrtpalyǵy júkteledi. 2019 jyly 493 myń qylmystyq is óndiriste bolyp, mundaı júkteme eńbekti utymdy uıymdastyrýdy, ədisti jəne kelisilgen qyzmetti talap eteti», - dep atap ótti ІІM Tergeý departamentiniń bastyǵy Sanjar Ádilov.
Іshki ister mınıstrligi tergeý qyzmetkerleriniń jumysyna tıisti jaǵdaılar jasaý úshin, onyń ishinde jalaqysyn 55% arttyryp, turǵyn úıdi jalǵa alǵany úshin ótemaqy tóleýdi qolǵa aldy.
Qazirgi tańda bes oqý oryndarynyń ishinde bakalavrıat júıesi boıynsha tergeýshilerdi daıarlaýdy tek ІІM Qaraǵandy akademııasy ǵana júzege asyrady.
Qaraǵandy akademııasynyń bastyǵy Aqynqalı Dármenov óz mamandyǵy boıynsha úzdik dep tanylǵan tergeýshilerdiń kópshiligi – akademııa túlekteri ekenin málimdedi. Jalpy joǵary oqý orny qurylǵannan beri munda dıplomdy 22 myńnan astam adam aldy.
