ІІM -niń Kóliktegi ishki ister departamentinde qyzmettik mindetterin oryndaý kezinde mert bolǵan qyzmetkerlerdi eske alýǵa arnalǵan eskertkish ashyldy
ASTANA. 24 qarasha. QazAqparat - «Búgin Іshki ister mınıstrliginiń Kóliktegi ishki ister departamentinde qyzmettik boryshtaryn oryndaý kezinde Otany men halqy úshin ómirin qurban etken qyzmetkerlerdi eske alýǵa arnalǵan eskertkish ashyldy»,-dep habarlaıdy vedomstvonyń baspasóz qyzmeti.
Baspasóz málimetterine qaraǵanda, Іshki ister organdarynyń qyzmetkerleri elimizdiń azamattarynyń konstıtýtsııalyq quqyqtaryn qorǵaý boıynsha qyzmet atqarady. Osy qyzmet barysynda olar jeke bastaryn qaterge tige otyryp, qoǵam aldyndaǵy boryshtaryn óteıdi.
Kóliktegi ishki ister departamentiniń málimetteri boıynsha, atalmysh organ qurylǵan ýaqyttan beri 10 tártip saqshysy qyzmet babynda qaza tapqan. Búgin ashylǵan eskertkish esil erlerdi halyq jadynda máńgi este ustaý maqsatynda qolǵa alynǵan ıgi shara.
Atalmysh eskertkishtiń ashylý saltanatyna ishki ister organdarynyń qyzmetkerleri men osy salanyń ardagerleri, buqaralyq aqparat quraldarynyń ókilderi qatysty.
