ІІM mınıstriniń orynbasary Almaty taýlaryndaǵy qaýipti ýchaskelerdi aralady
ALMATY. QazAqparat - Іshki ister mınıstriniń orynbasary ıÝrıı Ilın Almaty mańyndaǵy sel qaýpi bar basseınderdi áýeden baqylaýǵa qatysty, dep habarlaıdy QazAqparat qalalyq ІІD baspasóz qyzmetine silteme jasap.
Aqsaı, Qarǵaly, Úlken jáne Kishi Almaty ózenderin baqylaýǵa Almaty TJD, «Qazselqorǵaý» MM basshylyǵy qatysty.
Ushý kezinde kóshkin qaýiptiligine baǵa berilip, taý shatqalyndaǵy muzdyqtardyń jaǵdaıy, qar kóshkini oryndary tekserildi. Qaskeleń ózeni basseıninen Talǵar ózenine deıin Іle Alataý jotasynyń ortalyq bóligindegi qardyń qory anyqtaldy.
Jalpy, taýdaǵy qar jamylǵysynyń bıiktigi 85 sm, onyń kólemi qalypty deńgeıde. Ol mamyr aıyna deıin erimeı jatady.
TJD basshylyǵy ıÝ. Ilınge sońǵy 2 jylda 97 shaqyrym aryq jelileri salynyp, 32 ózen arnasy turaqtalǵanyn baıandady. Bul sý tasqyny qaýpi bar aımaqtar sanyn 67-den 12-ge deıin azaıtýǵa yqpal etken.
QR Іshki ister mınıstriniń orynbasary Almatydaǵy sý tasqyny qaýpi boıynsha júrgizilip jatqan jumystarǵa oń nátıje berdi.
Danııar Dáýitalıev
