ІІM Meıirjan Tórebaevtyń aıyptaýyna jaýap berdi
Kúdiktiniń málimdeýinshe, QR Qarjy naryǵyn retteý jáne damytý agenttigi 2020 jyldyń ózinde «Mudarabah Capital» qarjy pıramıdasy týraly polıtsııaǵa eskertý jasaǵan. Biraq, quqyq qorǵaý organdary atalǵan kompanııanyń qyzmetin toqtatýǵa qatysty eshqandaı áreket jasamaǵan. Synǵa jaýap bergen Іshki ister mınıstrligi osy máselege qatysty tekserý júrgizilip jatqanyn habarlady.
«Atalǵan tulǵanyń polıtsııa qyzmetkerleriniń «Mudarabah Capital» qarjy prıamıdasyna qatysty der ýaqytynda is-shara qabyldaýyna qatysty dáleline oraı qazirgi ýaqytta qyzmettik tekseris taǵaıyndalǵan. Búginde polıtsııa qyzmetkerleriniń kináli ekendigin aıtý erte», - delingen QazAqparat tilshisiniń saýalyna mınıstrlikten berilgen jaýapta.
19 sáýir kúni Almatyda «Mudarabah Capital» qarjy pıramıdasynyń tórt uıymdastyrýshysy qamaýǵa alynǵany týraly jazǵan bolatynbyz.
Keıin tanymal vaınerler Meıirjan Tórebaev pen Meıirhan Shernııazov 10 táýlikke qamaýǵa alyndy.
Al 26 sáýirde Almaty qalalyq qylmystyq ister jónindegi sot alqasy «Mudarabah Capital» qarjylyq pıramıdasyna qatysy bar degen kúdikke ilingen vaınerlerdi 10 táýlikke qamaýǵa alý túrindegi bultartpaý sharasyn ózgerissiz qaldyrdy .
