ІІM: Memle­kettik tildi bilý deńgeıin anyqtaý maqsatynda alǵash ret beıneemtıhan qabyldandy

Osy baǵytta atqarylǵan is-sharalardyń biri, memlekettik tildi tıimdi jáne sapaly qoldaný úshin, ishki ister organdarynyń qyzmetkerlerin jyl saıyn memlekettik tilge oqytý bolyp tabylady.

Búgingi kúni munda respýblıka boıynsha oqıtyndardyń jalpy sany 15 myńnan astam qyzmetkerdi qurap otyr. Atalǵan sa­baqtardy qorytyndylaý jáne memle­kettik tildi bilý deńgeıin anyqtaý maqsatynda mınıstrlikte ishki ister organdarynyń qyzmetkerlerinen eń alǵash ret beıneemtıhan qabyldandy.

Osy is-shara barysynda polıtsııa qyz­metkerleri negizgi jáne ІІM basshylyǵy tarapynan qoıylǵan qosymsha suraqtarǵa jaýap berdi, qyzmet barysynda jıi qolda­nylatyn termınderdi jáne sóz tirkesterin paıdalana otyryp, sóılemder, dıalogtar qurastyrdy. Sóıtip bul aıtýly shara ІІO qurylǵanyna jıyrma jyl tolý qurmetine arnaldy.

Atalǵan is-sharaǵa Іshki ister mınıstri­niń orynbasary general-maıor A.Kúreń­be­kov qatysty, ol beıneemtıhan qabyl­daý­da­ǵy basty maqsat polıtsııa qyzmetkerleriniń memlekettik tildi úırenýge, ári ony kún­de­likti qyzmetterinde qoldanýǵa asqan jaý­apkershilikpen qaraýlaryn talap etý ekenin basa aıtty. Sondyqtan bul is-shara aldaǵy ýaqytta da jalǵasyn tabatyny anyq, dep jazady «Egemen Qazaqstan» gazeti Іshki ister mınıstrliginiń mem­le­kettik til jáne aqparat qyzmetine silteme jasap.