ІІM medıa ortalyǵynyń kóligi Ekibastuzda 43 jastaǵy turǵyndy qaǵyp ketken
PAVLODAR. QazAqparat – Pavlodar oblysynda jyl basynan beri túrli jol-kólik oqıǵasynan 20 adam qaza tapty, dep habarlaıdy QazAqparat tilshisi.
«23 tamyz kúni saǵat 21.41 shamasynda Ekibastuz qalasy Áýezov kóshesindegi 42-úıge qarama-qarsy bette «Opel Omega» avtokóliginiń 30 jastaǵy júrgizýshisi jol qozǵalysy qaýipsizdigin ustanbaı, joldy belgilenbegen jerden kesip ótken 37 jastaǵy jaıaý júrginshini qaǵyp ketken. Saldarynan jaıaý júrginshi jaraqat alyp, aýrýhanaǵa jatqyzyldy»,-deıdi Pavlodar oblystyq polıtsııa departamentiniń baspasóz qyzmeti.
Polıtseılerdiń aıtýynsha, júrgizýshi saý bolǵan. Tótenshe jaǵdaıdan keıin ol oqıǵa ornynan izin sýytqan, biraq tártip saqshylary ony taýyp, eshqaıda ketip qalmaý týraly qolhat jazdyryp alǵan. Qazaqstan Respýblıkasy QK 345-baby 2-bóligi boıynsha sotqa deıingi tergeý bastaldy. Mashına aıyp turaǵyna qoıyldy.
«Dál osy kúni, saǵat 21.50-de Ekibastuz mańyndaǵy Pavlodar – Nur-Sultan tasjolynda «QR ІІM Medıa-ortalyǵy» JShS-ne tıesili Hyundai Elantra avtokóliginiń 23 jastaǵy júrgizýshisi belgilenbegen jerden ótip bara jatqan 43 jastaǵy jaıaý júrginshini qaǵyp ketken. Ókinishke qaraı, oqıǵa saldarynan jaıaý júrginshi alǵan jaraqatynan sol jerde qaıtys boldy», – dep málim etti polıtsııa.
Bul júrgizýshi de saý bolǵan. Oqıǵa ornynan jasyrynbaı, jedel járdem men polıtsııany ózi shaqyrǵan. Anyqtalǵandaı, júrgizýshi basshylyqtyń ruqsatynsyz qyzmettik avtokólikpen Nur-Sultan qalasynan tys jerge ketken.
Atalǵan faktige qatysty QR QK 345-baby 3-bóligi boıynsha sotqa deıingi tergeý bastaldy. Birqatar saraptama taǵaıyndaldy. Júrgizýshiden eshqaıda ketpeý týraly qolhat alyndy.
Pavlodar oblysynyń PD málimetteri boıynsha, sońǵy sheshimdi sot qabyldaıdy jáne jaza sharasyn tańdaıdy.
Aıta ketý kerek, jyl basynan beri Pavlodar oblysynyń aýmaǵynda 299 jol-kólik oqıǵasy tirkelgen, sonyń saldarynan 20 adam qaza taýyp, 425 adam jaraqat alǵan.
