ІІM marıhýanany zańdastyrý týraly: Kez kelgen nashaqor esirtkini jeńil túrinen bastaıdy

NUR-SULTAN. QazAqparat – Qazaqstan kez kelgen mólsherdegi marıhýannany zańdastyrýdy qarastyryp jatqan joq. Bul týraly QR ІІM Esirtki qylmysyna qarsy is-qımyl departamentiniń bastyǵy Tilegen Matkenov aıtty, dep habarlaıdy QazAqparat tilshisi.

«Qazirgi tańda Qazaqstan kez kelgen mólsherdegi marıhýannany zańdastyrýdy oılap otyrǵan joq. Bizdiń Shý ańǵarynda ósetin jabaıy marıhýannanyń kanabıstik quramy – 5 paıyz ǵana. Nıderlandyda máselen, kanabıstik quram 15-17 paıyzǵa deıin bolady», - dedi ol vedomstvoda ótken baspasóz máslıhatynda.

Departament bastyǵynyń aıtýynsha, kez kelgen nashaqor kezinde esirtkiniń jeńil túrinen bastaǵan.

«Marıhýanany zańdastyra bastaǵan memleketterdiń bári basqa problemamen betpe-bet kelýde, endi olarda geroınniń ornyn metadon (qanǵa ıne arqyly engizilmeı, jutyla salatyn sıntetıkalyq esirtki) basyp bara jatyr. ıAǵnı, belgili bir esirtkini qabyldap júrgen nashaqorlar esirtkiniń aýyr túrin, ıaǵnı geroındi izdep, kóshege shyǵyp ketken. Esirtkiniń aýyr túrinen bastap ketken birde-bir nashaqor joq. Bári de jeńil túrin tatyp kórýden bastalady», - dedi ol.

Eske sala ketsek, buǵan deıin Tilegen Matkenov esirtkimen aınalysqan 5 qylmystyq toptyń áreketine shekteý qoıylǵanynaıtqan edi.