ІІM qyzmetkerleri Taraz ben Almatyda qaza bolǵan polıtseılerdiń otbasylaryna bir kúndik jalaqylaryn aýdarady

Bul týraly búgin aptalyq brıfıngte atalǵan mınıstrliktiń resmı ókili Nurdildá Oraz málim etti.

«Іshki ister mınıstrligi ishki ister organdarynyń barlyq aýmaqtyq bólimshelerine Tarazda jáne Almatyda qaza bolǵan polıtsııa qyzmetkerleriniń otbasylaryna, sondaı-aq jaralanǵandardy emdeýge materıaldyq kómek kórsetý týraly hat joldady». Іshki ister organdarynyń jeke quramalary qyzmetkerlerdiń otbasylaryna kómek retinde bir kúndik jalaqylaryn aýdarady, dedi ol.

Resmı ókildiń atap ótýinshe, qyzmettik mindetterin oryndaý barysynda qaza bolǵan qyzmetkerlerdiń otbasylaryna jerleý rásimderin ótkizý úshin úsh aılyq jalaqylary kóleminde aqshalaı qarajat, al 6 aı ótkennen keıin 60 aılyq qarajat berilmek, al jaraqattanǵan qyzmetkerlerge járdemaqy tóleý qarastyrylǵan.

ІІM resmı ókili qarýly qylmyskerdi ustaýda batyldyq pen janqııarlyq kórsetken Jambyl oblysy ІІD-niń jeti qyzmetkeri (úsheýi - marqum) jáne Almaty ІІD patrýl polıtsııasy polkynyń eki qyzmetkeri memlekettik nagradaǵa usynylǵanyn habarlady.