ІІM qyzmetkeriniń jalǵan kýáligimen jaýapkershilikten jaltarmaq bolǵan azamat ustaldy

ASTANA. QazAqparat – Pavlodarda tártip saqshylarǵa jalǵan polıtsııa qyzmetkeriniń kýáligin kórsetip, jaýapkershilikten jaltarmaq bolǵan azamat ustaldy. Bul týraly Іshki ister mınıstrliginiń onlaın-brıfınginde vedomstvo ókili Shuǵyla Turlybek aıtty, dep habarlaıdy QazAqparat tilshisi

«Pavlodar qalasynyń patrýldik polıtsııa ınspektorlary jol qozǵalysy erejelerin buzǵan Lexus markaly avtokóligin toqtatty. Júrgizýshiniń Astana qalasynyń turǵyny ekeni anyqtaldy. Ol ınspektorlarǵa Іshki ister mınıstrligine qarasty Jeke qaýipsizdik departamenti qyzmetkeriniń qyzmettik kýáligin usynǵan. Onyń qujattaryn tekserý kezinde kýáliktiń jalǵan ekeni bilgili boldy», - dep málim etti Shuǵyla Turlybek.

Bul oqıǵaǵa qatysty Pavlodar oblystyq polıtsııa departamenti Qylmystyq kodekstiń 385-baby 3-bóligi (Kórineý jalǵan qujatty paıdalaný) boıynsha sotqa deıingi tergep-tekserýdi bastady.