ІІM: Qylmyskerler polıtsııa men áskerılerdiń kıimin kıip zańsyzdyqtar jasady

NUR-SULTAN. QazAqparat – QR Іshki ister mınıstriniń mindetin atqarýshy Erlan Turǵymbaevtyń aıtýynsha, tártipsizdikter kezinde 100-den astam iri saýda nysany men bankter tonalǵan, dep habarlaıdy QazAqparat tilshisi.

«Qaraqshylar 100-den astam iri saýda nysany men bankterdi tonady. Aldyn ala shyǵyn 87 mlrd teńgeden asady. Bılik organdarynyń bedeline nuqsan keltirý úshin qylmyskerler polıtsııa, áskerı qyzmetkerlerdiń kmıimin kıip, zańsyz áreketter jasady. Qalyptasqan jaǵdaıdy eskere otyryp, QR Prezıdenti eldiń búkil aýmaǵynda tótenshe jaǵdaı engizý týraly sheshim qabyldady. Osyǵan sáıkes kólik quraldarynyń júrip-turýyna, kirýine jáne shyǵýyna, qujattardy tekserýge, jeke zattaryn, avtokólikteri men júkterin tekserýge negiz berilip, sondaı-aq, buqaralyq is-sharalardy ótkizýge tyıym salý sııaqty shekteýler engizildi», - dep túsindirdi Erlan Turǵymbaev.

Onyń málimeti boıynsha, jappaı tártipsizdikter kezinde 16 polıtsııa qyzmetkeri kóz jumǵan.

Ókinishke qaraı, bul kúnderi qoǵamdyq tártipti saqtaý jáne eldiń konstıtýtsııalyq qurylysyn qorǵaý kezinde 16 polıtsııa qyzmetkeri qyzmetker qylmyskerdiń qolynan qaza taýyp, 1300-den astam saqshy men Ulttyq ulan, Qorǵanys mınıstrliginiń, sondaı-aq, arnaıy organdardyń áskerı qyzmetshileri jaraqat aldy», -dedi Erlan Turǵymbaev.