ІІM Qostanaı oblysyndaǵy joǵary laýazymdy polıtseıdi qyzmetinen shettetý sebebin atady
ASTANA. QazAqparat - ІІM Qostanaı oblysyndaǵy joǵary laýazymdy polıtseıdi qyzmetinen shettetý sebebin atady, dep habarlady QazAqparat tilshisi QR ІІM Memlekettik til jáne aqparat departamentiniń dırektory Almas Sadýbaevqa silteme jasap.
«26 qańtar kúni Qostanaı oblysy ІІD jeke qaýipsizdik basqarmasynyń basshysy, polıtsııa podpolkovnıgi Aqberdıev óz qonaqtaryn ornalastyrý úshin Qostanaı qonaq úıleriniń birine kelgen. Qonaqtar men mekeme qyzmetkerleri arasynda janjal týyndaǵan jáne Aqberdıev quqyqbuzýshylyqtyń aldyn alý sharalaryn jasamaı, oqıǵa ornynan ketip qalǵan», - dedi Sadýbaev.
QR ІІM Jeke qaýipsizdik departamenti júrgizgen qyzmettik tekserý qorytyndysy boıynsha, ishki ister organdarynyń etıkalyq kodeksi talaptaryn saqtamaǵan Jarashan Aqberdıev qyzmetinen shettetildi. Onyń ornyna polıtsııa podpolkovnıgi Saıat Omarǵazın taǵaıyndaldy. Buǵan deıin Omarǵazın QR ІІM Kóliktegi ІІD JQB basshysynyń orynbasary bolyp eńbek etken.
