ІІM: «Koronavırýs genotsıdi» týraly jalǵan aqparat taratqan áıel ustaldy
NUR-SULTAN. QazAqparat – Ekibastuzda áleýmettik jelige koronavırýs indeti jaıly jalǵan málimet taratqan 53 jastaǵy áıel ákimshilik jazaǵa tartyldy, dep habarlaıdy QazAqparat Іshki ister mınıstrliginiń baspasóz qyzmetine silteme jasap.
«YouTube vıdeohostınginde avtordyń Ekibastuzda «genotsıd» júrip jatqany týraly aıtqan sózi jarııalandy. Avtor dárigerlerdiń koronavırýs ınfektsııasyn juqtyrǵan naýqastardyń sany týraly statıstıkany ótirik túzetinin aıtqan. Turǵyndar osy aqparatty bir-birine belsendi túrde tarata bastady. Alaıda bul aqparat shyndyqqa saı kelmeıdi», - dep habarlaıdy ІІM-nen.
Quqyq qorǵaýshylar vıdeony zertteı kele 53 jastaǵy Ekibastuz qalasynyń turǵynyn ustapty. QR ÁQBjK-nyń 478-baby (Tótenshe jaǵdaı kezinde quqyqtyq tártipti buzýǵa ıtermeleıtin áreketter) boıynsha ákimshilik hattama toltyryldy. Іs sotta qaralady.
«Artynsha atalǵan azamat buryn aıtqan málimetterin joqqa shyǵaryp, qaıtadan vıdeo jarııalady. Osyǵan deıin jalǵan aqparat taratý faktisi boıynsha 14 adam ákimshilik jaýapkershilikke tartyldy», - delingen habarlamada.
