ІІM Qoǵamdyq keńesiniń kóshpeli otyrysy alǵash ret SQO-da ótti
PETROPAVL. QazAqparat - QR ІІM Qoǵamdyq keńesiniń kóshpeli otyrysy alǵash ret óńirde - Petropavlda ótti, dep habarlaıdy QazAqparat tilshisi.
Qoǵamdyq keńestiń tóraǵasy Marat Qoǵamov bastaǵan elordalyq qonaqtar soltústikqazaqstandyq polıtseılerdiń jumys barysynda paıdalanatyn quraldary jáne tehnıkasymen tanysty. Jedel basqarý ortalyǵyna, arnaıy muraǵatqa, PD mýzeıi men jataqhanasyna ekskýrsııa uıymdastyryldy. Petropavl q. PB front-ofısinde, kezekshi bóliminde boldy.
QR ІІM Qoǵamdyq keńesiniń kóshpeli otyrysynda SQO Polıtsııa departamenti jáne «Altyn-Besik» mektepke deıingi mekemesiniń birlesken jobasy aıasynda bóbekter qonaqtarǵa ózderiniń IT-ıdeıalaryn: joldarda qylmys pen quqyq buzýshylyqtardyń aldyn alý boıynsha qurastyrylǵan elektrondy qurylǵylary men aspaptaryn kórsetti.
SQO PD bastyǵy Berik Bilálovtiń aıtýynsha, ashyqtyq pen servıstik modelin kózdeıtin ІІO jumysyn jańǵyrtýda jurtshylyq pen halyqtyń pikirine erekshe kóńil bólinetinin jáne osy jumysty retke keltirý - kóshpeli is-sharanyń mindetteriniń biri ekenin atap ótti.
«Polıtsııaǵa júgingen adam ǵımaratqa kirer-kirmeste kez-kelgen másele boıynsha bilikti kómek alýy tıis. Osy tusta petropavldyq polıtseılerdiń front-ofısi byltyrǵy jyldyń kúzinde esigin aıqara ashty», - dedi ІІM Qoǵamdyq keńesiniń tóraǵasy Marat Qoǵamov.
Qazirgi ýaqytta SQO-da 16 front-ofıs, onyń ishinde 13-i aýdandyq polıtsııa bóliminde, 3-i Petropavl q. jumys isteıdi.
Іshki ister organdarynda ótkiziletin barlyq is-sharalarǵa Konsýltatıvtik-keńesshi organnyń belsendi qatysýy - polıtsııanyń jumysyn ashyq etedi. Bul halyq aldyndaǵy esep berý kezdesýleri, azamattardy qabyldaý, tártiptik jáne attestatsııalyq komıssııalar, otyrystar bolyp tabylady. Osy jumystyń nátıjesi týraly SQO PD janyndaǵy KKO tóraǵasy Jasulan Ahmetov esep berdi.
