ІІM QAJ komıtetiniń qyzmetkeri qyzmetten tys ýaqytynda qaskóıdi quryqtady
ASTANA. 14 shilde. QazAqparat - ІІM QAJ komıtetiniń qyzmetkeri qyzmetten tys ýaqytynda qaskóıdi quryqtady, dep habarlpady ІІM QAJK baspasóz qyzmeti.
ІІM QAJ komıtetiniń qyzmetkeri ádilet polkovnıgi Dıdar Atantaevtyń aıtýynsha, búgin tańsáride 8-qabattaǵy balkonnan turaqtaǵy avtomobılderdiń esikterin shuqylap júrgen beıtanys er adamdy kózi shalǵan.
Birazdan soń ınomarkalardyń biriniń esigi ashylǵan (dabyl qaǵý tetigi jumys istemegen, álde múldem bolmaǵan). Er adam salonǵa kirip, onda birneshe mınýt bolyp, qaıta shyqqan jáne basqa avtomashınalardyń esikterin tartqyshtaı bastaǵan. Sálden soń ol qojaıyny «temir tulparynyń» esigin kiltteýdi umytqan mashınaǵa tap boldy. Osy kezde 102 nómirine qońyraý shalyp úlgergen D,Atantaev qaskóımen betpe-bet kelip, ustap aldy. Bunyń bosatýyn surap jalbarynǵan er adam odan keıin qarsylyq kórsetip, B.Momyshuly kóshesine qaraı qasha jóneledi.
Sporttyń birneshe túrinen razrıady bar ádilet polkovnıgi qashqyndy áýdem jerge jetkizbeı qolǵa túsirdi. Sol sátte kezekshi jasaq ta kelip jetip, qaskóı polıtsııa bólimshesine jetkizildi.
