ІІM qazaqstandyqtardy alańdatqan alaıaqtyq máselesine qatysty jaýap berdi
ASTANA. QazAqparat - Qazaqstandyqtar QR Qylmystyq-protsessýaldyq kodekstegi ózgeristerge baılanysty alaıaqtyqtyqtyń sharpýyna alańdaýshylyq bildirdi, dep habarlaıdy «QazAqparat» HAA tilshisi.
Atap aıtqanda, advokat Erlan Ǵazymjanov 179-bap 1-bólimindegi sot zańsyz dep tanymaǵan jazbasha qujattar negizinde buzýshylyq týraly ótinishti tirkeý joıylatyn ózgeristerge qatysty pikir bildirdi.
«Alaıaqtardy quttyqtaımyn (...) Alaıaqtardyń 90%-y qylmystaryn júzege asyrý kezinde zardap shegýshiden qaryz kelisimshartyn jasaý nemese qolhat jazý arqyly alady. Endi polıtsııa joǵaryda atalǵan alaıaqtyq týraly ótinishterdi tirkemeı, azamattyq sotqa joldaıdy. Ol jerde zardap shegýshi qaryz kelisimshartynyń nemese qolhattyń jaramsyz ekendigin jazbasha dáleleldemeler arqyly dáleldeı almaıdy, sebebi azamattyq sot óndirisinde mámileniń jaramsyz ekendigin tek jazbasha dáleldemeler arqyly ǵana dáleldeýge bolady», - dep jazdy ol Facebook áleýmettik jelisinde.
QazAqparattyń Іshki ister mınıstrligine joldaǵan saýalyna bergen jaýabynda advokattyń pikiriniń durys emes ekendigi aıtylǵan. Zańnamadaǵy jańalyq azamattardyń quqyqtaryn qorǵaý boıynsha qosymsha sharalar turǵysynan oń mánge ıe jáne bul memlekettiń qylmystyq-jazalaý áreketterdi jasaǵany úshin qylmystyq qýdalaýdan bas tartýyn bildirmeıdi.
ІІM kez kelgen zańbuzýshylyqtyń zańmen belgilengen tártipte jaýapqa tartylatynyna sendirýde.
«Qylmystyq qýdalaý organdarynyń qazirgi zamanǵy normatıvtik, ádistemelik jáne tehnıkalyq qamtamasyz etilýi qylmystyq quqyqbuzýshylyqtardyń jedel jáne sapaly ashylýyna jáne tergelýine, sondaı-aq ádil sot isin júrgizýge múmkindik beredi», - dep túıindedi ІІM-de.
