ІІM: Qazaqstanda bas bostandyǵynan aıyrylǵan 3 myńǵa jýyq sottalǵandarǵa raqymshylyq jasalady
ASTANA. 11 qańtar. QazAqparat /Jasulan Joldybaev/ - Qazaqstanda bas bostandyǵynan aıyrylǵan 3 myńǵa jýyq sottalǵandarǵa raqymshylyq jasalady. Bul týraly búgin elordada QR ІІM-niń resmı ókili Nurdildá Oraz málim etti.
ІІM Qylmystyq atqarý júıesi komıtetiniń málimeti boıynsha, raqymshylyqqa bas bostandyǵynan aıyrý oryndaryndaǵy 2696 sottalǵan adam ilikken.
«Onyń ishinde 2199 adam bosatylady, 497 adamnyń jazasynyń merzimi qysqarady. Raqymshylyq boıynsha bostandyqqa shyǵatyndardyń kóbisi merziminiń keminde tórtten bir bóligin ótegender», - deıdi resmı ókil.
Sonymen qatar, N. Orazdyń málimeti boıynsha, raqymshylyq jasaýǵa kámeletke tolmaǵandar, kámeletke tolmaǵan balalary bar áıelder, júkti áıelder, elýdegi jáne odan da joǵary jastaǵy áıelder, alpys úshke tolǵan jáne odan joǵary jastaǵy er adamdar, 1,2,3 toptaǵy múgedekter, Uly Otan soǵysyna qatysqandar, Aýǵanstandaǵy áskerı áreketterge jáne Chernobyldaǵy jaǵdaıǵa qatysqandar jatady.
Sonymen qatar raqymshylyq jasaý Zańynyń qoldaný aıasyna qoǵamnan oqshaýlaýsyz 9320 sottalǵan adam jatady. Táýelsizdiktiń 20 jyldyǵy ishindegi bul - jetinshi raqymshylyq.
