ІІM Qaraǵandy túrmesindegi sottalǵandardyń «búligine» qatysty pikir bildirdi

NUR-SULTAN. QazAqparat - QR ІІM Qylmystyq-atqarý júıesi komıteti áleýmettik jelide Qaraǵandydaǵy «sottalǵandar búligi» degen ataýmen jarııalanǵan vıdeoǵa pikir bildirdi, dep habarlaıdy QazAqparat tilshisi.

«Búgin áleýmettik jelide Qaraǵandy oblysyndaǵy kolonııalardyń birinde «sottalýshylar búlik» shyǵaryp jatyr degen aqparat paıda boldy. Osyǵan oraı QR ІІM Qylmystyq-atqarý júıesi komıteti vıdeoda Dolınka eldi mekenindegi AK-159/6 mekemesi bazasynda Qaraǵandy oblystyq qylmystyq-atqarý júıesi jáne polıtsııa departamentteriniń , Ulttyq gvardııa áskerı bóliminiń arnaıy taktıkalyq oqý-jattyǵý kezindegi kadr taspalanǵanyn habarlaıdy. AK-159/6 mekemesindegi ahýal turaqty. Bul is-shara aǵymdaǵy jyldyń basynda josparlanǵan. Bekitilgen josparǵa sáıkes mundaı oqý-jattyǵýlar jyl boıy ótkiziledi», - delingen komıtet aqparatynda.