ІІM Іshki áskerleriniń 20 jyldyǵy atalyp ótilýde
ASTANA. 9 qańtar. QazAqparat /Rýslan Ǵabbasov/ - Búgin QR ІІM Іshki áskerleriniń qurylǵanyna 20 jyl tolýyna oraı saltanatty is-sharalar ótip jatyr.
Mereıtoıdy merekeleýge QR Іshki ister mınıstrliginiń basshylyǵy, Іshki áskerler qolbasshylyǵy, Uly Otan soǵysy jáne Іshki áskerler ardagerleri, mınıstrlikter men vedomstvolardyń, sondaı-aq Іshki áskerdiń elorda garnızonynyń áskerı qyzmetshileri qatysty.
Saltanatty sharanyń aldynda qonaqtar Іshki áskerdiń bólinisteri jaraqtalǵan zamanaýı tehnıka men qarý-jaraq túrlerimen, baılanys quraldary jáne áskerı qyzmetshilerdiń kıim-keshekter úlgilerimen áskerdiń Ortalyq murajaıynda Іshki áskerdiń tarıhynan syr shertetin materıaldarmen tanystyryldy.
«Sonymen qatar aıtýly is-sharaǵa Іshki áskerdiń shtatttyq-sporttyq komandasy quramyndaǵy áskerı qyzmetshiler - olımpıada jáne halyqaralyq jarystarda Qazaqstannyń kók baıraǵyn talaı ret jelbiretken ataqty sportshylarymyz Ermahan Ybraıymov, Baqtııar Artaev, Baqyt Sársekbaev, Svetlana Podobedova, Aleksandr Sedov, Maııa Maneza, Lıýdmıla Prokasheva jáne osylar syndy basqa da sport sańlaqtary shaqyryldy»,-deıdi Іshki ásker qyzmetkerleri. Sharanyń saltanatty bóliginde áskerdiń alǵashqy qurylýynyń basynda bolǵan jáne onyń damýyna zor úles qosqan ardager-generaldarǵa, sondaı-aq aǵa býyn dástúrin jalǵastyrýshy - búgingi jaýyngerlerge nagradalar tapsyrylady. Sonymen qatar, ásker quramalarynda mereıtoı qurmetine oraı jyl boıy ótkizilgen «Úzdik vzvod komandıri, komandırdiń úzdik tárbıe jáne áleýmettik-quqyqtyq jumystar jónindegi orynbasary, úzdik rota komandıri» jáne «Úzdik rota starshınasy» baıqaýlarynyń jeńimpazdaryn marapattaý rásimi ótti.
Aıta keteıik, búgin keshqurym Astanadaǵy Kongress-Hollda QR ІІM Іshki áskerleriniń ortalyq orkestri men án-bı ansambliniń gala-kontserti ótedi.
