ІІM Іshki áskerleri úshin satyp alynǵan jańa An-74TK-200 ushaǵy kórsetilimdik ushýyn jasaıdy
ASTANA. 23 sáýir. QazAqparat - 2013 jyldyń 26 sáýirinde Áýe qorǵanysy kúshteriniń áskerı aerodromynyń aýmaǵynda Qazaqstan Respýblıkasy ІІM Іshki áskerlerine arnalǵan jańa An-74TK-200 ushaǵynyń tusaýy kesiledi.
Jańa ushaqtyń tusaýkeser rásimine polıtsııa general-leıtenanty Qalmuhanbet Qasymov bastaǵan Іshki ister mınıstrliginiń basshylyǵy, Іshki áskerler Bas qolbasshysy general-maıor Rýslan Jaqsylyqov, Іshki áskerler qolbasshylyǵy jáne Qorǵanys mınıstrliginiń, Tótenshe jaǵdaılar mınıstrliginiń, UQK Shekara qyzmetiniń, Qazaqstan Respýblıkasy Qorǵanys mınıstrligi Áýe qorǵanysy kúshteriniń jáne Ushý qaýipsizdigi boıynsha bas basqarmasynyń, «Búrkit» MAK» RMK ókilderi, Harkov memlekettik avıatsııalyq óndiris kásipornynyń (HMAÓK) bas dırektory Anatolıı Mıalıtsa, Ýkraınanyń Qazaqstan Respýblıkasyndaǵy elshisi Oleg Demın, Qazaqstan Respýblıkasy jáne Qyrǵyz Respýblıkasyndaǵy qorǵanys máseleleri boıynsha attashe, áskerı, áskerı-áýe attashesi Anatolıı ıAtsenıýk, syrtqy ekonomıka áreketteri boıynsha jáne marketıng departamenti dırektory ıÝrıı Býkreev qatysady.
Ushaq Almatydan saǵat 12.00-de ushyp kelip, qonar aldynda demonstratsııalyq ushýyn kórsetedi.
Qazaqstan Respýblıkasy ІІM Іshki áskerleriniń qajetine satyp alynǵan Harkov memlekettik avıatsııalyq óndiris kásipornynyń (HMAÓK) An-74TK-200 ushaǵy qyzmettik-jaýyngerlik tapsyrmalardy oryndaý úshin Іshki áskerdiń avıatsııasyna qoıylatyn barlyq talaptarǵa saı jasalǵan.
Atalǵan áýe kemesi 2013 jyly Harkov MAÓK jasalǵan jáne tutas metaldy, rampoly, tasymaldaý-konvertırleý úlgisi bolyp tabylady. Ol taktıkalyq, beıbit jáne gýmanıtarlyq mıssııalardy oryndaý úshin arnaıy qurastyrylǵan jáne avtonomdy túrde qysqa ushyp-qoný alańdarynda, jasandy jáne jermen tegistelgen keń dıapazondaǵy aerodrom bıiktikteri men aýa raıynyń jaǵdaılarynda, jáı jáne kúrdeli meteorologııalyq jaǵdaılarda, kúndiz túni qoldanýǵa arnalǵan.
