ІІM «Demalys» jedel-aldyn alý sharasyn ótkizýdi josparlaıdy
ASTANA. 13 maýsym. QazAqparat - Іshki ister mınıstrligi respýblıkanyń barlyq aýmaǵynda múddeli memlekettik organdardyń ókilderin tarta otyryp, jazǵy demalys kezinde «Demalys» jedel-profılaktıkalyq is-sharasynyń birinshi kezeńin ótkizýdi josparlap otyr.
Shara 13 maýsym jáne 15 maýsym aralyǵynda ótkizilmek. Bul týraly búgin QR Іshki ister mınıstrliginde ótken dástúrli brıfıng barysynda málim boldy.
Sharanyń negizgi maqsaty - jazǵy demalys kezinde jasóspirimder qylmysynyń aldyn alý, kámeletke tolmaǵandarǵa alkogoldik ishimdikterdi, temeki buıymdaryn satý faktilerin anyqtaý. Sonymen qatar olardyń túngi ýaqytta zańdy ókilderiniń ilesip júrýinsiz oıyn-saýyq oryndarynda, turǵyn úı-jaılarynan tys jerlerde bolý faktilerin, jasóspirimderdi qoǵamǵa qarsy is-qımyldar jasaýǵa tartatyn eresek adamdardy anyqtaý kózdeledi.
Іs-shara barysynda múddeli memlekettik organdardyń ókilderimen birlese otyryp, kámeletke tolmaǵandardy, onyń ishinde ishki ister organdarynyń esebinde turǵan, qolaısyz otbasylarda tárbıelenetin jasóspirimder tekseriletin bolady. Sondaı-aq kámeletke tolmaǵandardyń eńbegin paıdalanýǵa qatysty tekseris júrgiziledi.
