ІІM-de tergeýshi áıelder spartakıadasy ótti

NUR-SULTAN. QazAqparat - Halyqaralyq áıelder kúnin merekeleý qarsańynda Іshki ister mınıstrligi alǵash ret elordanyń tergeý bólimsheleriniń áıel tergeýshileri arasynda spartakıada ótkizdi, dep habarlaıdy QazAqparat.

Jarysqa Іshki ister mınıstrligi ortalyq apparatynyń, Nur-sultan qalasy Polıtsııa departamentiniń, Kóliktegi polıtsııa departamentiniń komandalary qatysty.

Týrnırde ústel tennısi, voleıbol, basketbol, arqan tartý sııaqty sport túrleri boıynsha baq synasty.

Jarys qorytyndysynda birinshi oryndy Kóliktegi polıtsııa departamentiniń komandasy, ekinshi oryndy Nur-sultan qalasy Polıtsııa departamentiniń, úshinshi oryndy ІІM ortalyq apparatynyń komandasy ıelendi.

Jarys jeńimpazdary dıplomdar jáne kýboktarmen marapattaldy.

Aıta ketý kerek, áıel tergeýshiler ishki ister organdarynyń qurylymynda erekshe oryn alady.

«Іshki ister mınıstrliginde 1500-den astam áıel tergeýshiler men anyqtaýshylar qyzmet atqarady. Olar aýyr jáne asa aýyr qylmystar sanattaryn tergeıdi, erlermen qatar táýliktik jasaqtarǵa túsedi. Sonymen qatar, kóptegen áıelder elimizdiń tergeý bólimsheleriniń basshylyq laýazymdaryn atqarady» , – dep atap ótti ІІM Tergeý departamentiniń bastyǵy Sanjar Ádilov.

2020 jyldyń qarasha aıynyń sońynda UQSK músheleri áıelder men balalardy zorlyq-zombylyqtan qorǵaý bólimsheleriniń shtatyn nyǵaıtý, balalarǵa qatysty zorlyq-zombylyq qylmystaryn tergeý úshin áıel tergeýshilerdi mamandandyrýdy engizý boıynsha usynystar bergen edi.

2021 jylǵy naýryzda ishki ister mınıstriniń buıryǵymen ishki qaıta bólý esebinen áıelderdi zorlyq-zombylyqtan qorǵaý jónindegi bólimshelerdiń shtat sany 248 birlikke, kámeletke tolmaǵandar isi jónindegi ınspektorlar sany 2,5 myńǵa jýyq birlikke jetkizildi. Sondaı-aq, ótken jyly áıelder men kámeletke tolmaǵandarǵa qatysty zorlyq-zombylyqty tergeý toptary quryldy, olardyń quramyna áıel tergeýshiler kirdi.