ІІM-de 69 qyzmetkerdi qamtıtyn attestattaýdyń úshinshi kezeńi ótip jatyr
ASTANA. 13 maýsym. QazAqparat -Іshki ister mınıstrliginde 11-19 maýsym aralyǵynda 69 qyzmetkerdi qamtıtyn attestattaýdyń úshinshi kezeńi ótpek.
Bul týraly búgin QR Іshki ister mınıstrliginde ótken dástúrli brıfıng barysynda málim boldy.
Eske sala keteıik, Qazaqstan Respýblıkasy Prezıdentiniń 2012 jylǵy 8 sáýirdegi Jarlyǵyna sáıkes buǵan deıin aǵymdaǵy jyldyń 21-28 mamyr aralyǵynda kezekten tys attestattaýdyń birinshi kezeńi bolyp ótken edi. Joǵarǵy Attestattaý komıssııasynyń birinshi kezeńinde attestattaýdan 23 qyzmetker ótken bolatyn. Al 28 mamyr jáne 4 maýsym aralyǵynda attestattaýdyń ekinshi kezeńi ótti. Oǵan 69 qyzmetker, ıaǵnı ІІM basshylyǵy, mınıstrdiń barlyq orynbasarlary, ortalyq apparattyń komıtet tóraǵalary, departament basshylary jáne oblystyq Іshki ister departamentteri, Qylmystyq-atqarý júıesi departamentteriniń basshylary qatysty.
«11-19 maýsym aralyǵynda 69 qyzmetkerdi qamtıtyn attestattaýdyń úshinshi kezeńi ótpek. ІІM Ortalyq attestattaý komıssııasyndaǵy kandıdattardyń barlyǵy ekinshi kezeńde Joǵary attestattaý komıssııasynyń attestattaýynan ótti. ІІM-niń tizimi boıynsha Ortalyq attestattaý komıssııasyndaǵy keńesinde 2 779 adam attestattaýdan ótedi. ІІM buıryǵymen jeke quramdy attestattaýdy ótkizýdiń kestesi jáne jospary bekitildi. Oǵan sáıkes ІІM attestattaý komıssııasynyń birinshi otyrysy maýsymǵa josparlanyp otyr», - deıdi ІІM baspasóz qyzmetiniń basshysy Nurdildá Oraz.
Attestattaý komıssııasynyń otyrysyna 3-4 kún qalǵanda oq atý, dene shynyqtyrý daıarlyǵyn, kompıýterlik testileýdiń normatıvterin qabyldaý úshin Kadr jumysy departamentiniń 2-3 qyzmetkeri jiberiledi.
Óńirlik bólinisterdiń basshylaryn attestattaý maýsym aıynyń sońynda bastalyp (polıtsııanyń 20 jyldyǵyna oraı ótkiziletin saltanatty is-sharalardan soń), 20 tamyzda aıaqtalady.
