ІІM burynǵy basshysy Grekııa prezıdenti bolyp saılandy
ASTANA. QazAqparat - Grekııa Parlamenti sársenbide 65 jastaǵy burynǵy ishki ister mınıstri Prokopıs Pavlopýlosty prezıdent etip saılady, dep habarlady Reuters.
Daýys berý barysynda onyń kandıdatýrasyn 180-nen astam depýtat qoldady. Bul birinshi týrda-aq saılaý úshin jetkilikti daýys.
Pavlopýlos kandıdatýrasyn ótken seısenbide radıkaldyq solshyl kúshter koalıtsııasynyń partııasyn (SIRIZA) basqaratyn el premer-mınıstri Aleksıs Tsıpra usynǵan bolatyn.
Saılaý jeńimpazy 85 jastaǵy Karolos Papýlıastyń bes jyldyq basqarý merzimi aıaqtalǵan kezde naýryzda prezıdenttik taqqa otyrady.
