ІІM basshysy: Polıtsııanyń baspanamen biriktirilgen ýchaskelik bólimsheleri kerek
ASTANA. QazAqparat - Jergilikti polıtsııanyń eń mańyzdy mindetteriniń biri - quqyqbuzýshylyqtyń aldyn alý. Quqyqbuzýshylyqtyń aldyn alýdaǵy negizgi býyn árıne, ýchaskelik polıtseıler, dep málimdedi ishki ister mınıstri Qalmuhanbet Qasymov halyqqa esep berý kezdesýinde. Bul týraly «QazAqparat» HAA tilshisi vedomstvonyń baspasóz qyzmetine silteme jasap habarlaıdy.
«Búginde ýchaskelik polıtsııa qyzmeti polıtsııanyń profılaktıka jáne ózge de esepterinde turǵan 170 myńnan astam tulǵanyń júris-turysy baqylanady. Alaıda, barlyq jerde ásirese aýyldyq jerlerde ýchaskelik polıtsııanyń jumysy úshin tıisti jaǵdaı jasalmaǵan. Bizdegi 2 800 ýchaskelik bólimniń 1 600-ine jóndeý jumystaryn júrgizý kerek, 370 jańa ýchaskelik bólim salynýy qajet. Ýchaskelik ınspektorlardyń baspanasymen biriktirilgen polıtsııa bólimsheleri kerek. Bul olardyń kúni-túni qyzmet etý ýchaskesinde bolýyna múmkindik beredi», - dedi ІІM basshysy.
Mınıstrdiń aıtýynsha, qazirgi ýaqytta mundaı ýchaskelik bólimsheler Almaty (10), Aqtóbe (8), Ońtústik Qazaqstan (6) oblystarynda bar.
«Aldaǵy ýaqytta ІІM árbir ýchaskelik bólimdi kompıýterlendirýge jáne mınıstrlik derekteriniń aqparattyq qoryna qashyqtyqtan qoljetimdilikti qamtamasyz etýge nıetti», - dep habarlady Qasymov.
