ІІM basshysy eki kóliktiń soqtyǵysýy boıynsha júrgizilgen qylmystyq isti burmalaǵandardy jazalaýǵa buıryq berdi

Bul týraly búgin brıfıngte ІІM Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.

 Q. Jumanovtyń aıtýynsha, qazannyń 19-da Almatyda bolǵan jol apatyn tergeý kezinde polıtsııa qyzmetkerleri is-áreketteriniń zańdylyǵyna tekseris júrgizildi. Tekserý qorytyndysynda qylmystyq isti júrgizý zańdylyǵyn buzý faktileri anyqtalǵan.

 Kóp keshikpeı mınıstr S.Baımaǵambetov Almaty qalasy Іshki ister departamentiniń qyzmetkerlerin jazalaý týraly buryqqa qol qoıdy.

 «Atalǵan buıryq negizinde Almaty qalasynyń ІІD-niń Anyqtaý basqarmasy jol-kólik oqıǵalaryn tergeý bóliminiń asa mańyzdy ister jónindegi aǵa anyqtaýshysy V. Amraqulov polıtsııa qyzmetkeri atyna kir keltirgeni, qylmystyq isti júrgizý zańdylyǵyn buzǵany jáne osy jol-kólik oqıǵasy faktisi boıynsha qylmystyq isti tergeý kezinde azamattardy áýre-sarsańǵa túsýge jol bergeni úshin qyzmetinen bosatyldy», deıdi Q. Jumanov.

 Sonymen qatar, Mınıstrdiń buıryǵymen Anyqtaý basqarmasynyń bastyǵy T. Núsipálıev pen basqarmanyń bólim bastyǵy M. Ómirbaev ishki ister organdarynan alastaldy.

 Qylmystyq iske zańsyz aralasqany úshin ІІD-niń Ózindik qaýipsizdik basqarmasynyń bastyǵy B. Jylqybaevqa qyzmetine tolyq sáıkes emestigi týraly eskertildi. Vedomstvolyq baqylaý júrgizýde selqostyq tanytqan Almaty qalasynyń ІІD bastyǵynyń orynbasary M. Urymhanovqa eskertý jasaldy.

 Eske sala keteıik, qazannyń 19-y kúni Almatyda kóshe qıylysyn kesip ótpek bolǵan kezde «Toıota Kamrı» kóligin baǵdarshamnyń tyıym salatyn belgisine qaramaı,  úlken jyldamdyqpen «Porshe Kaıen» kóligi kelip  soqqan. Nátıjesinde toıota júrgizýshisi jáne onyń jolaýshylary - eki qyz kóz jumady. Kináli porshe kóliginiń júrgizýshisi A. Qaıymsultanov oqıǵa ornynan qashyp ketedi. Al tergeý bolsa, porshe kóliginiń ıesi paıdasyna faktilerdi burmalaýǵa jol beredi.

 Qazirgi ýaqytta  A. Qaıymsultanov izdestirilýde.